|
|
#1
07-02-2016, 10:44 PM
|
|||
|
|||
عندي علبة شوكلاته
علبة_شوكولاته😀 </ul>
قبل عدة اعوام وفي حارتي القديمة كان الي #جار متحدث لبق , مستمع جيد , ومحاور هادئ , كان انسان اجتماعي و م**** ... بعرف الجميع والجميع بعرفه , كل ما دخل الحارة او طلع منها بتلاقيّ بقضيها سلامات ومراحب و جيرة الله تشرب فنجان قهوة عندي علبة شوكلاته . وفي يوم التقيت فيه , كان بجهز حاله بدو يطلع مشوار , وقاعد برتب اغراض في السيارة واللي اثار استغرابي ...... علب شوكولاتة س***رز و مارس و باونتي و فيريروروشيه وغيرها من النوعيات الفخمة , كانوا اكثر من عشرين علبة . فطرحت عليه السلام ... و سألته : خير يا جار .... و ين متسهل ؟؟؟ فرد علي السلام وابتسم ابتسامة حلوة , بس انا ما فهمت معناها ,وقال : شو رأيك ترافقني ؟؟؟ قلتلوا : برافقك .... بس يارب المشوار ما يكون بعيد ..ههههههههه. قال : خلص اطلع معي و ان شاء الله ما بنتاخر , شكله المرة عازميتك على الغدا اليوم و ما بتسترجي تتأخر ...ههههههه. على كل طلعت معاه في السيارة , و ما القيته الا وهو متوجه على حي فقير جدا عندنا في المنطقة , بعيد عن حارتنا مسافة ساعة الا ربع بالسيارة ..... صف السيارة و نزلنا منها , و راح حمل مجموعة من علب الشوكلاتة و توجه الى مجموعة من البيوت , طبل على الباب الاول , ففتحولو الباب اولاد صغار و لما شافوه صاروا ينطوا من الفرح , و ينادوا على امهم : ماما ... ماما .... الزلمة تبع الشوكولاطة اجا , الزلمة تبع الشوكولاطة اجا . قام جاري اعطاهم علبة الشوكولاتة و حكى مع الصغار اكمن كلمة و استئذن و راح . دق الباب على البيت الثاني , طلعتله مرة كبيرة شوي بالعمر , ولما شافته , صارت تدعيله : ... الله يفتحها عليك .... الله يطعميك من ثمر الجنة .... والله يا ابني انك بتجبر خاطرنا .....الله يجبر خاطرك. قام جاري حكى معها اكمن كلمة و اعطاها علبة الشوكلاته و استئذن و راح , و هيك سوا مع باقي البيوت , وكل بيت كان قصة بحد ذاته . و في كل بيت كان في سيمفونية جميلة ورائعة من المشاعر و الاحاسيس. المهم ...... خلصنا لفتنا و وزعنا علب الشوكولاتة و رجعنا على السيارة و ركبنا فيها وتوجهنا راجعين على البيت ,فسألته سؤال المتردد : الله يعطيك العافية يا #جار_الهنا ... و الله اشي حلو اللي صار ....بس انا حابب اسألك سؤال : ليش ما تعطيهم **اري ؟؟؟ ال**اري احسن و بقدرو يشتروا اللي بدهم اياه ؟؟؟؟؟؟. ضحك جاري ضحكة قوية , و كأنه انبسط من سؤالي .... و لف وجهه على الكرسي الخلفي و تناول علبة شوكولاته , و اعطاني اياها , وقال افتحها يا دكتور . فتحت العلبة .و انا مترقب , وكلي شوق اشوف شو فيها ...... لقيت فيها بالاضافة للشوكولاته.... مغلف فيه **اري , فزادت حيرتي .....: طيب ليش ما تعطيهم ال**اري مباشرة ؟؟؟, ليش جوا علبة شوكولاتة , و ليش هاي النوعيات بالذات ؟ في بالمولات علب ارخص منها بكثير و اوفر ؟؟؟؟ فتطلع علي جاري , و ابتسم كعادته , و قال : يا دكتور انا زلمة بحب الشوكلاته كثيييير و لازم آكل منها كل يوم , و الله جل في علاه قال : "لن تنالوا البر حتى تنفقوا مما تحبون " .... يا حكيم . 
|
 |
|
|
العرض العادي
