|
|
#1
09-26-2015, 10:40 PM
|
|||
|
|||
عجينة ندير بيها كلش
سلام مرحبا بيكم هاذي اول واخر عجينة تعلمتها ناجحة 100بال100 و ساهلة قلت انشارككم بيها و نتمنى تجربوها وترجعولي لخبر المقادير كاس حليب فاتر+ م ك خميرة الخبز بيضة فنجان زيت م ص سكر م ص ملح م ك حليب بودر فرينة الطريقة في اناء تحطي السوائل وتخلطي بالفوي مليح ومبعد تضيفي باقي المكونات وتلمي بالفرينة و كي تبدا تتلاصق في اليد غطيها و حطيها تخمر كي يتضاعف الحجم اجبديها و حطي كميي صغيرة فرينق في البوتاجي و اعجني فوقها و بهذي الطريقة اعجني و في نفس الوقت راكي تضيفي في الفرينة بشوي بشوي حتان تتحصلي على عجينة متماسكق و استعمليها كيما تحبي هاهم ليكم بعض ماطبقت به هاذي لعجينة سوفلي  وهاذي ميني بيتزا  وهاذي بيتزا مقلية  وهاذي خبيزات محشيين باشكشوكا و الزيتون الاخضر  وهاذون فطائر روعة نصنعهم خبيزات ونطيبهم في طاجين الطين وكل ما تخليهم يطولو يخمرو يكونو اخف   وراهم يجو هشاش و ما يجوش يابسيين  وهاذي كوكا  راهم مازالو تطبيقات اخري كي نلهى نحطهم مع الوصفات نتمنى تنال اعجابكم 
|
 |
|
|
العرض العادي
