|
|
#1
09-15-2015, 12:26 AM
|
|||
|
|||
خبز البرغر. خفيف هاااايل
وصفة خبز البرغر. خفيف
اخيرا راني درت كوراج نحط وصافتي وكتب الموضوع والمنتدى بلع بابه عليا :sdf: دموعي سالو. وعاودت كتبت. :sdf:. ايا ماتفشلونيش. جربت اكتر من وصفة لخبز البرغر. من النت ومن المنتدو والنتيجة كانت مليحة لكن بالنسبة ليا مالحقتش لي الخبز لي فبالي حت جربت ها. الوصفة. وماهيبتنيش شكيتلكم بزاف. ندخلو فصلب الموضوع.  المقادير 600غ فزينة ملح 15 غ سكر 150غ ماء 180 غ حليب حبة بيض 30 غ **دة 10 غ خميرة خبز [color="rgb(139, 0, 0)"]الطريقة[/color]. تخلط جميع المواد مع بعض وتعجن حتو الحصول على عجينة ملساء شكلي كرية كبيرة. حطيها في اناء مدهون بالزيت وغطيها ب **** اليمنتر. يلامس العحينة. تم بقطعة قماش. وخليها تخمر. مليييح مدة ساعة ونص. ضروري تخليها فترك طويلة. باش تجي خفيفة بعد ما تخمر هبطيلها الخمير بلا ماتعجنيها. وقسميها الى قطع متساوية الحجم. حوالي عشر خبيزات وحاولي على طاولة ماتكونش مرشوشة بالفرينة. تشكلي كريات. بيديك. حطيهم في مكان مرشوش بالفرينة غطيهم بقماش خليهم يرتاحو عشر دقايق تم كل حبة اضغطي عليها شوي ماترقيهاش بزاف. وادهنيها بالما. ورشي الجلجان او السانوج وحطيهم في بلا لي يطيبو فيه وبعدي بيناتهم باش مايلصقوش. وغطيهم وخليهم يخمرو للمرة التانية. حوالي ساعة. قبل ماتطيبيهم بعشرين دقيقة. سخني الفرن على درجة حرارة 200 وحطي بلا اخر يلامس ارضية الفرن. بعد مايخمرو الخبيزات حطيهم فالفرن وارمي كاس ماء فالبلا لي حطيتيه على ارضيه الفرن وبلعي بسرعة قبل مايخرج البخار. خليهم يطيبو مدة ربع ساعة او عشرين دقيقة ومين تخرجيهم ماتخليهمش فالبلا. نحيهم وخليهم يبردو مليح قبل الاستعمال. للاسف ماصورتش المراحل. لكن راهدساهل. والمقادير مضبوطة. مين يبرد حليه فالوسط وقبل ماتحشيه شعلي الفرن من الفوق. وحطيهم مقلوبين باش يتحمر الجز الداخلي. يجي مقرمش امممممم نخليكم مع الصور :1:. تشهيتو من كتبت الموضوع اممممممممممممممم الحشو. كل واحد ويدير الحشو لي يساعد على حسب الموجود عندكم. بالنسبة ليا. هاد الحشو لي نخدم بيه نحتاج. الفرماج خاص البرغر سلاطة فينيغرات شرائح طماطم. ماينويز. تقدر تعوضها بصلصة فرماج كورنيشو خيار شرائح بصل. او بصل شرائح مذبلة فشوي زيت. او ممكن تظييفي شوي سكر تجي كراميليزي ممكن تضيف خضر. شرائح طيبها فشوي زيت. جريوات باذنجان بطاطا تقدر تقليهم. اللحم تقدر تبليه بالملح مفقط او تزيدي توابل لي حبيتي. وقصبر ومعدنوس تقدر تدير بالدجاج مفروم. او حتى. السمك الابيض فيلي او تطحنيه. وتديريه فرينة تم البيض تم شابلير وتقليه 
|
 |
|
|
العرض العادي
