|
|
#1
06-02-2015, 04:44 PM
|
|||
|
|||
بيتوركا خط أحمر
السلام عليكم ورحمة الله وبركاته الاتحاد من 2010 وهو في هبوط حاد في المستوى ادارات راحت وادارات جات , مدربين راحوا ومدربين جو , لاعبين راحوا ولاعبين جو والاتحاد هو هو ماتغير الوضع صحيح تمر على فترات يبدع فيها لدرجة انه حقق بطولة كأس الملك 2013 لكنها في النهاية بطولة نفس قصير ممكن اي فريق يجيبها دائما كل مانقابل الهلال او النصر او الاهلي او الشباب كفتهم الفنية اعلى من الاتحاد في هذه الخمس سنوات لما اقول الكفة الفنية انا اتكلم عن الادوات عن العناصر اللي هم اللاعبين الاتحاد عنده ضعف كبير في العناصر الفريق كله مافيه الا فهد المولد وعبدالفتاح عسيري واحمد عسيري وجمال باجندوح وعبدالرحمن الغامدي خمس لاعبين فقط هم اللي يطلق عليهم لاعبين كرة قدم ولاعبين مستقبل اما الباقين من جنبها الاتحاد يحتاج الى تدعيم الفريق بـ عناصر مميزة وثقيلة فنيا الفريق بوضعه هذا لو تجيب مورينهو ولا جوارديولا ماراح يسوي شي لانه لايملك ادوات نجي للمدرب بيتوركا هذا المدرب انضباطي وصارم درجة اولى وهذا اللي من زمان نطالب فيه تكتيكيا وفنيا العناصر لم تخدمه , من الظلم محاسبته وهو ماعنده عناصر قوية كل اللي اتمناه ان لاتتخذ الادارة قرار متسرع لامتصاص غضب الجماهير والضحية بيتوركا اقسم بالله لو راح بيتوركا مشكلة كبيرة وبدل مايعود الاتحاد من الموسم القادم ربما يعود بعد موسمين راح يجي مدرب جديد مو مضمون , ماتدري بينجح او لا وعلى بال مايتعرف على اللاعبين وعلى بال مايتوصل للتشكيلة المناسبة انتهى نصف الموسم القادم وفقدنا المنافسة بشكل كبير وانت بتقابل فرق جاهزة فنيا ومستقرة اكثر من الاتحاد اتكلم عن الهلال والنصر والاهلي بالله فكروا فيها لو جبنا مدرب جديد صدقوني الموسم القادم ماراح ننافس أبدا لكن لو ابقينا على بيتوركا الوضع اهون بكثير على الاقل نستطيع تقييمه جيدا بعد تدعيم الفريق بناء على معطيات واضحة وثاني شي لو لاقدر الله بيتوركا مازال سيء بعد التدعيم نستطيع تغيير المدرب في اي وقت الموسم القادم , اسهل شي ترا تغيير المدرب مو ملزوم بفترات صيفية او شتوية بالنسبة للاستقطابات اتمنى اتمنى من الادارة جلب مهاجمين اجانب ( اسيوي+برازيلي) القوة الهجومية تغطي على الضعف الدفاعي دائما وبرشلونة اكبر دليل دفاعهم متواضع لكن هجومهم ميسي نيمار سواريز اخيرا الله ينصر الاتحاد دائما وابدا وباذن الله الاتحاد سيعود عاجلا ام آجلا 
|
 |
|
|
العرض العادي
