|
|
#1
12-13-2013, 04:04 AM
|
|||
|
|||
يا اخوان ايش فيه الاتحاد عمره ماوصل لهالمرحلة ؟؟
السلام عليكم ورحمة الله وبركاته يا اخوان اللي جالسين نشوفه هالأيام بالاتحاد شي مو طبيعي ابدا انا من صغري وانا احب واشجع الاتحاد خسر حبيته فاز حبيته اكثر ما اهتم لكلام الناس يوم يشمتوا بالاتحاد ... مع تطور الفرق المنافسه وزيادة قوتها الا الاتحاد مارح اغيره ، اسمع اهانات وشماتات وقت الهزيمة بس برضه ما اغيره كثير ناس غيروا وشجعوا فرق ثانيه وانا متمسك بالاتحاد الاتحاد من عرفته بلاعبيه الكبار مثل الخليوي الله يرحمه واحمد جميل والحكمي واليامي ومروان بصاص وغيرهم هذه الاسماء وربي لما اتذكرها اتذكر امجاد الاتحاد وابطاله عمره ماخذلنا لهذا المستوى حتى وان خسر كان من فرق اللي هي بالصداره كم كانت هذه الاسماء تاخذ راتب ذيك الايام كم كانت تاخذ حقوق وشوفوا بس كيف كان ادائهم في الملعب ... لاعبين كان همهم اللعب للفريق وليس من اجل المال الاتحاد اخر مباراه مع الخليج روحه ميته مافي روح ابدا الانسجام بين اللاعبين ضايع ومفقود تماما تحسهم يلعبوا بس كذه تسليك وقت ..مافي تفاهم بينهم مافي تنظيم بصفوفهم كأني اشوف فريق ثاني غييييييييير اللهم يحمل نفس الاسم الاتحاد والفنيله خاصه يوم يتقابلوا مع فرق قوية خلاص تحسه ضايع من جد يا اخوان الادارة صح لها دور بس كمان اللاعبين لهم دور ، اللاعبين ما اخذوا رواتب ما اخذوا حقوق ينعكس ادائهم سلبيا بالملعب حتى وان كان معاهم اطلق مدرب انا كيف اقدر العب وانا احس اني ابذل جهد عالفاضي المدرب بينات اثاره ولمساته واضحه في مبارايات الاتحاد بس للأسف جا في وقت الاتحاد فيه منهار تماما لاعبوه مايقدروا يقدموا اللي عليهم ... والا لو كان الاتحاد ولاعبيه مستوفيين حقوقهم كان شفنا الاتحاد بكل قوته وربي ماكتبت الموضوع الا من قهري على اللي صاير في الاتحاد صرت اتشائم من اي لقاء قادم خاصه بعد مباراة الخليج الله يستر صدقوني الاتحاد لازم يصير فيه تغييير وتغير كبييييييير جدا ينهض بالنادي من جديد لكن على نفس الادارة ونفس الطاقم والطقه هذه الاتحاد رح يضل على ماهو عليه متى يرجع الاتحاد ويرجع لنا الفرحه متى :::05::: 
??????? ??????: يا اخوان ايش فيه الاتحاد عمره ماوصل لهالمرحلة ؟؟ || ??????: ahlam1399 || ??????: اسم منتداك
|
 |
|
|
العرض العادي
