20يوم في شهر ابريل..تعالوا شوفوا خطتي ولاتحرموني نصايحكم..

[ahlam1399]

20يوم في شهر ابريل..تعالوا شوفوا خطتي ولاتحرموني نصايحكم..

20يوم في شهر ابريل..تعالوا شوفوا خطتي ولاتحرموني نصايحكم..
بسم الله الرحمن الرحيم

اسعد الله وقاتكم بكل خير....

هذي اول مشاركه لي في المنتدى بس كنت اتابعكم دائما من بعيد

انا وزوجي قررنا نجدد شهر العسل بعد مرور سنه و8 شهور من زواجنا

وطبعآ قلت لزوجي اناااااااا بخطط لكل شي انت لاتشيل هم ...لان رحلتنا الاولى كانت لماليزيا وهو اللي خطط لكل شي وقلت عاد هالمره دوووري ونشوف مين رحلته افضل

وبدأت من حوالي شهر اجهز واخطط بس احس اني تايهه في بعض الامور واحتاج مساعده من ناس عندها خبره و اثق في كلامهم..
قلت مالي بعد الله الا انتم

احتاج مشورتكم وارائكم في خطتنا للسفر القابله للتعديل طبعآ..

رحلتنا راح تكون مدتها 20 يوم من 5ابريل الى 25 ابريل..

الانطلاقه من الدمام الى اسطنبول لمدة يومين...ثم بالعباره الى بوصه يومين ثم الى سبانجا يومين ثم الى يلوا يومين ..
وبعدها نرجع بالعباره الى اسطنبول ومنها بالطائره الى طرابزون لمدة 5 ايام وبعدها الى انطاليا 4 ايام واخيرا العوده لاسطنبول والبقاء فيها 3 ايام وبعدها العوده للوطن بإذن الله..

ووش رايكم بالخطه
1-هل راح تكون مجهده التنقلات او لا؟
2- هل الايام في كل مدينه كافيه ام تحتاج اكثر او اقل؟هل يوجد مدن اخرى تستحق الزياره اضيفها للخطه؟؟
3- ماهي طريقة الذهاب من بورصا لسبانجا؟ ومن سبانجا ليلوا؟باص ,قطار, او تاكسي؟
4-طبعا في الشمال التركي كنا ناوين نقيم في اوزونجول وايدر بالاضافه لطرابزون بس بعد اطلاعنا ع التقارير قررنا يكون المبيت في طرابزون والذهاب للمدن الاخرى بالسياره ..هل تؤيدون هالقرار اولا؟؟
5-بخصووص السياره في الشمال التركي ..راح نستأجرها ان شاءالله من مطار طرابزون ..فيه ناس تمدح السيارات اللي وقودها ديزل لانه اوفر وناس ترشح البنزين,,ممارأيكم؟؟.... وهل صحيح الطرق هناك وعره ومخيفه ؟ انا اكره المرتفعات واخاف منها جججججدآآآآ
6-هل انطاليا تستحق الزياره ؟ وهل هي بعيده عن طرابزون؟ كم تستغرق مدة الرحله بالطياره بينهم؟وهل تذاكر الطيران بينهم مكلفه؟
7- بخصوص الطقس في ابريل كيف راح يكون في المدن المسجله ؟وخصوصا في الشمال التركي ؟ يحتاج اخذ معي ملابس شتويه او لا؟ لان من قراءتي للتقارير فهمت ان الشمال التركي ماينفع في ابريل وانا مرررررررره ودي اروحه ..احترت

ادري كثرت اسأله بس والله اني محتاجه مساعدتكم مرررررررره وبأسرع وقت ممكن لأننا نبغى نحجز هاليومين.. الله يسعدكم ويجزيكم الفردوس الاعلى من الجنه ...

انتظر ارآئكم واقتراحاتكم بفارغ الصبر

??????? ??????: 20يوم في شهر ابريل..تعالوا شوفوا خطتي ولاتحرموني نصايحكم.. || ??????: ahlam1399 || ??????: اسم منتداك

https://hameed.nwar.uk/vb

كلمات البحث

العاب ، برامج ، سيارات ، هاكات ، استايلات