بنتي تعبتني ساعدوني
السلام عليكم بنات
الله يخليكم تساعدوني بحل لبنتي الله يحفظها بتكمل بعد شهر 3سنوات ووزنها 12بس ما اطيع تاكل أبدا بالعافية شي مثل قطعة فاكهة او عصير شوي طبعا يوميا ما شي ريوق وحليب بدياشور اعطيها اسويلها بس 90 تخيلوا ما تشرب الا يمكن 40 او اقل وتخلي المرضعة وغدا ما تتغدا الا نادر وممكن روب العيش ما تحبه وأحيانا معكرونة مع جبن بس بنيتها ضعيفة ومرتين انخلعت أيدها وشعرها نفس الولد ما ينمو وضعيف وديتها لكذا طبيب يوصفولها حديد لانه عندها فقر دم بس ما التزم فيه غير مرة عطيتها شهر صعبه اخر مرة وديتها قالت الطبيبة انه لازم اعطيها 3شهور والمشكله الثانية انها ما تنام الا متاخر حتا لو ما نامت الظهر تناملي من وقت الساعه 6المغرب وتقوم 10 بالليل بسبب اليوع وقلة الاكل وانا وأبوها تعبانين وكل يوم سهر ماشي نوم نادرا الساعه 11 مب عارفه كيف اتصرف وياها من غير انا مربية من شهرين وصارت عصبية وعنيفة وكله تغار من اخوها ما تبا ابوها يمسكه أبدا وكله تتقلب علا الارض وترافس علا اي شي احيانا فالمول او مكان عام تعق بعمرها وتصيح وفالسيارة ما تقعد الا جدام علا الثلاجة او عند ابوها وكله اذا تبا شي تصارخ وتحشرنا تعبت وأبوها متضايق منها لانها متعلقة فيه وكله لازم يشلها ما ***ي تمشي حتا ولا ***يني أبدل عنها او اوديها الحمام الا نادر وكله تصارخ وطبعا الخدامة اكس مستحيل تلمسها انا عندي بيبي صغير ما اقدر أوفق بينهم تبيني بس معها اهتمام وأبوها عنده شغل مب فاضي دايما شوروا علي بالنسبة للاكل والنوم والغيرة
01-03-2015, 12:33 PM
بنتي تعبتني ساعدوني
العرض العادي
