تناسيني
تناسيني بنفس الموعد اللي به ذكرتيني
أنا ما أقدر أعيش اللي بقالي من العمر بأوهام
عبس وجه الزمان و زاد لومه لا تلوميني
طغى جور الهوى و انهى سنينٍ من صبر و أحلام
طلبتك كان لي في داخلك بعض الغلا اجفيني
ترى حَر الجفا أهون كثير من الوهم لو دام
سلام الله على وقت مضى و ماصار به فيني
خذا ضي القمر و الشمس ما قد شعشعت من عام
هناك بعيد ويا الشوق غنيني و حبيني
هنا لا تقربي ضاق المكان بزحمه الأقدام
هواي العف يا أسمى القصايد في دواويني
أنا لي قلب ما يقوي يضيم و لا يبي ينضام
تخيرت أبتعد و الصمت و الوحده عناويني
و إذا ودك تزوريني تعالي بس بالأحلام
jkhsdkd