رحلتي
الى مدينة دبي ...
دانة الامارات ...
السلام عليكم ورحمة الله وبركاته
يسعد لي صباحكم و مسائكم بكل الخير حبايب قلبي
ثاني ايام العيد توجهنا .. الى الدانة الثانية من السبع دانات ...
دانة مميزة ... بسرعة العمار و التطور فيها ... ما شاء الله ولا قوة الا بالله
طبعا دبي الكل يعرفها من المحيط الى الخليج ...
يالله خلونا نبدا على بركة الله
حياكم الله و بياكم في مدينة .....
طبعا جهزنا لمدة خمس ليال ... في فندق معروف و قريب من مول دبي
الي هو القصر داون تاون او مثل ما هو معروف The palace dawntown
في منطقة بلوفارد محمد بن راشد ال مكتوم
وصلنا دبي الساعة 2:00 الظهر
الاستقبال كان ما شي احلى عنه في الفندق
و هني منطقة اللوبي في الطابق الثالث ...
يابوا لنا الفوط بس كانت باردة و امبونا كنا بردانين من مكيف السيارة ... و عصير ليمون بالنعناع يمي يمي
كان لذيذ و صدق عيبني وايد .... اما العيال فما طاعوا يشربون شئ ... وزعوا عليهم دفاتر تلوين و اقلام تلوين
عسب ما يملون لين ما نسوي جيك اون ،،،بسبب الزحمة ما شاء الله وايدين اجانب ومن دول الخليج
بعد ربع ساعة او اقل دشينا الغرف ...
