يالله
تفرج ضيقة الصدر يالله
يالله تفرج ضيقة الصدر يالله
وانك تسويها على ماتريده
ماعاد ينفع خافقي قولته آه
لاصارت آهه ماتخفف تزيده
حقق لمنهو طالبك ماتمناه
ياعالم ن سر وخفايا عبيده
يالله عجل بالفرج عجل شفاه
اقلب موازين الشقا له سعيده
ماتنفع الاموال والعز والجاه
لالاعته دنياه ماحدن يفيده
تتوه في رجليه مع دربه اخطاه
يضيق صدرن ضايق ن به وريده
ماله جدى ياكود يخلص لك ادعاه
وبيديك يارحمن همه تبيده
((انتظرته))