[ahlam1399]

[من مطبخي] صينية الفراخ المشوية في الفرن بريحة الفحم على طريقة أمي

[من مطبخي] صينية الفراخ المشوية في الفرن بريحة الفحم على طريقة أمي

صينية الفراخ المشوية في الفرن بريحة الفحم على طريقة أمي

جيبالكن اليوم طريقة أمي في عمل الفراخ المشوية

يا رب تعجبكن



2 فرخة وسط ممكن أقل على حسب العيلة

مقادير التتبيلة

بصلتين وسط
10 فصوص ثوم
1 قرن شطة خضراء حارة
2 فلفل أخضر
كوب **ادي
2 طماطم وسط
ملح
فلفل أسود
كاري
بهارات مشكلة
كمون
3 ملاعق خل أو ممكن بدلها 3 ليمون



نغسل الفراخ كويس أوي ونسلخ جلدها لأننا مش بنحب الجلد أوي وده طبعاً حسب الرغبة .

نقطع الفرخة 6 قطع ونشرحها كويس بالسكينة عشان التتبيلة تدخل جواها .

نفرم المكونات اللي فاتت في الخلاط وبعدين نتبل الفراخ فيها ليلة كاملة بتبقى أحلى بس ماما كانت مستعجلة أخدت ربع ساعة في التتبيلة بس
بالشكل ده .



بعدين نحضر صينية الفرن
نفرش في الصينية طبقة بصل طرنشات ونرش عليها ذرة ملح وفلفل أسود زي كده



بعدين نرص طرنشات بطاطس زي كده
وعليها برضه رشة ملح وفلفل أسود



بعدين نرص الفراخ وماما هنا عملت بصل صغير بتاع الأوارمة في التتبيلة ورصته في الصينية مع الفراخ بالشكل ده



بعدين ضافت ملعقتين زيت و2 كوب ماء صغير ونغطيها بورق فويل وعلى الفرن على طول لحد لما تغلي شوية

وبعدين نهدي النار على 170 لمدة ساعة وربع وبعدين نكشفها ونعلي النار عشان تشرب ميتها وتتحمر وممكن نشغل الشواية لحد ما تتحمر

وبعدين نسخن فحمايه أوي ونحطها في ورقة فويل زي الطبق ونضيف نقطتتين زيت ولما تدخن نغطي الفراخ بالفويل تاني عشان تاخد ريحة الفحم وده هيبقى شكلها بعد ما طلعت من الفرن وأخدت طعم وريحة الفحم




ودي بعد ما شيلت البصل

ال**در: منتدى عدلات النسائي

??????? ??????: [من مطبخي] صينية الفراخ المشوية في الفرن بريحة الفحم على طريقة أمي || ??????: ahlam1399 || ??????: اسم منتداك

https://hameed.nwar.uk/vb

كلمات البحث

العاب ، برامج ، سيارات ، هاكات ، استايلات