فيك أحساس
فيك أحساس .. ؟؟؟؟
وعندك مشاعر كيف باقي الناس .. أنريد ننشدك .. بالله فيك أحساس ؟
...
فيك مشاعر ..أتحس الغلا وأتحس نبض الشاعر .. والا أمخالفه للناس طبعك واعر ..
معدوم فيك الحن م الاساس ..
فيك أحساس ؟ ..
فيك أعروق ..
أتحس الغلا وأتحس نار الشوق .. والا اقليبك ع الغلا أمغلوق .. بينه وبين الحب باني ساس
.. فيك أحساس ؟
يلي المحبه خصمك .. ويلي علي زهر الجناين أسمك .. لانك اللي قسمي ولاني قسمك
.. بيناتنا ستين وادي ياس .. فيك أحساس ؟
(ساس=حائط)
^_^