منطــــق إحساسي
بقلم / عذاري السعودية
منطــــــق إحـــــساسي
أنا إنسان ما أمــلك من الدنيا سوى شعــــــــــري
كأني جيت للدنيا عبر قافـــي وإحــــــساسي
أقول إن الحــروف المال وإن الوزن هو قصري
يعايشني سهر وإحساس من ساسي إلى راسي
وربي إني على كثر القــصايد ما فرغت أطــــري
وكاسي ما فرغ يا ذا الحــــسد لو ينهشم كاسي
إذا نادانـــــي إحســـاسي فلا ماله أمل صـــــبري
كأن الله خـــالقني من أحــــباري وقرطاسي
جبرني إحساســي الغــامض أبرر بالجفـــا عذري
عشان إني إذا حــــبيت أبالغ وأعلن إفلاسي
أصون الأرض بعد العرض وديني بمهجتي يجري
دمي أشهد إلــــهي الرب وبالتوحيد نبراسي
أقوم من الصبح ساري يجـــــــي ليلي معه أسري
أخالف مادرج في عادة أصحابي وفي ناسي
ولي خَطّي وأنا مالي قلم في دنيتــــــــــي مـــبري !
خلقني ربي المنجز من أول يــــوم لأنفاسي
أعيش أطول عذاباتي وهي تسخر على قصــــري
أنا من وين ما أطـــــالع ألد بعين هوجاسي
ياربي كان لـــــي حلمٍ ولاهو بمــــستوى قــــدري
ياإمـــــا تخفض أحلامي أوإنك عز مقياسي
كثير أجامل أيامــــي وأقول أدري وأنا مــــاأدري
أقول البـــــاس ياقوّه وأنا تكسر بي أتعاسي
وإذن أصحابي التـــــموا على النيـــة على غدري
أنا يكفيني إن تضـــــمن فلاني بعدها قاسي
أنا لــــو بدعي لرغبــــه وأقول أدفـــع لها عمري
طلبتك لا أكون إنسان خارج منطق إحساسي
منقول من موقع لغة الروح