أضحكي لجلي
صباحكم / مسائكم
برائحة العود المعتق
ياوليدي شفتك البارح حزين
ضايق(ن)صدرك وعينك ماتلد
ياوليدي كل شي لجلك يزين
لاتفارق عن عيوني ولاتصد
أعرفك ياوليدي من سنين
قبل أشوفك وقالولي ولد
ياوليدي جعل أم ماتعين
لايجيهاعيال ولاذاقت شهد
شفت أناأجيال تاتي بالونين
تذبح الأم من قام وقعد
بس شوفك وبعيونك دفين
يذبح قليبي وياتيني رمد
قلت يمه عسى حظي يلين
لاتضيقي جعل ضيقك ماورد
بس ضيقه عساهاماتبين
ترتمي صوبي أذامابه أحد
طبعهاالضيقه ولافيهاعوين
حتى حظي من طواريهارقد
تكفين يمه لاتضيقي وتسهرين
شوفتك جلت همومي والنكد
اضحكي لجلي وبضحك وأستهين
للزمان اللي مع حظي جحد
كل شي لجلك ولجلك لوتبين
بس ضحكه من شفاتك وأستعد
بقلم
ناصر العجمي