سموني العاشق
اسعدالله جميع ايامكم بكل خير
احبتي
قالواتحبه قلت أناميت(ن)فيه
أهواه واجدكل يوم(ن)وليله
قالواتصده قلت أنامنه وأليه
وش لون أصده صعب دامي خليله
عشقه تربى في عيوني وماضيه
ناسي الألم منه وعيني تحيله
أوعدك ياحبي تشوفين تاليه
تالي المحبه تيه ياحبني له
ماأنساك ياحبي ولاني بناسيه
حبك فديتك ياحياتي نجيله
يبقى على طاري المحبه وطاريه
طاري الوفى ياشوق وأناعنيله
كلي على بعضي وبعضي يجاريه
والبعض الآخربالعيون الكحيله
أهواه وأعشق طيبته مع حكاويه
تاخذعيوني والعيون أتحكي له
خلوني أسهردامني ساهر(ن)فيه
مغرم وعاشق بالعيون الضليله
سموني العاشق وسموني البيه
دام الأسم في وسط فمهاحليله
يكفي يناديني ويكفي أناديه
خلوني عنده كل يوم(ن)وليله
عجمي وقلبي دايم الدوم شاريه
مابيع وصله في الليالي الثقيله
يبقى على طاري المحبه تباريه
حب ومحبه والليالي بخيله
يابنت حبك في عيوني وضعتيه
من عقب نظره وأبتسامه جمليه
بقلم
لاخ والشاعر
ناصر العجمي