حسبي
الله ونعم الوكيل تعبت
سلام حبيباتي ان شاء
الله تكونو لباس انا اليوم جيت باش نحكيلكم مشكلتي انا وعجوزتي كنا كيما الأم وبنتها هي تحبني وأنا نحبها وحد النهار بنتها كذبت عليها وقالتلها بل عروستك يعني عليا أنا بلي راني هدرت فيها هدرة مشي مليحة وسبيتها وعايرتها وانا والله ماقلت عليها ولا كلمة خاطية ربي عالم اخت زوجي هذي كانت اقرب وحدة ليا كانت كيما اختي بصح طعنتني فالظهر وكذبت عليا ونهار واجهتها قاتلي ايه قلتي ونكرهك من ا ول يوم جيتينا فيه قلتلها علاش قاتلي على خاطر حاسبة في روحك وتتكبري بدراهم باباك وزاد خويا يدلل فيك انا تصدمت صراحة من هدرتها وعجوزتي قاتلي من اليوم ماتدخليش داري ومااندخلش دارك لأنها صدقت بنتها وانا والله مظلومة غير راجلي الوحيد لي **دقني وش تنصحوني راني حايرة فالناس اللي تثيقي فيهم يخرجولك عديان