|
أهوجس بها وأكتب هوى خاطري وأقراه
أهوجس بها وأكتب هوى خاطري وأقراه
مغفلته الدنيـا وعايـش علـى ليـلاه حياتـه مدللتـه ونفـسـه مدلعـهـا وصل للثريا وارتفع لين لحـق امنـاه حظيظ وسعيـد وضحكتـه ماتصنعهـا ودارت به الدنيا علـى غفلتـه عـزاه وبارت وجارت وأسقته من مواجعهاتصوعه بلى رحمه من أدناه لين أقصاه تحامت عليـه وماقـدر فـي زوابعهـا تردّت عْزومه وانتهـى ماقـوى بلـواه ولاعه زمانـه ليـن فاخـت مرابعهـا على حاجةٍ في خاطري ذكرها م/أقـواه يتمتم بهـا لسانـي ولاهـوب ذايعهـا أهوجس بها وأكتب هوى خاطري وأقراه وأطفي شموعي في ضميري واولّعهـا تمنيتها وبعض التمنـي علـى عميـاه يثير النفوس اللي شقى الوقت لايعهـا شكيت وبكيت وخاطـري فيـه ماكفـاه لاني بشر واصل البشـر ذي طبايعهـا تشكّى ولو ماينفـع الوجـد والمشكـاه ولكن على الله بعض الاحيـان ينفعهـا على الله يفيد الوجد لو ماظهـر معنـاه وعلى الله فياحي نجد تنبـت مراتعهـا |
| الساعة الآن 02:08 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir