اسمع كلام جوزى وانزل **ر اولد والا لا
 

اسمع كلام جوزى وانزل **ر اولد والا لا
[FONT=""][COLOR=""][SIZE=""]انا محتاجة افضفض جدا عشان انا لوحدى ومفيش حد بيسمعنى ولا بيفهمنى واول الناس دول جوزى
الحكاية تتلخص انى اشعر بحزن غير عادى وعمالة اعيط بقالى يومين بصراحة انا صعبان عليا نفسى اوى لان محدش حاسس بيا حتى اهلى ومن زمان محدش بيحس بيا منهم وخصوصا امى وهى جزء من المشكلة
انا مغتربة ومتزوجة قربت على سنتين زواج ونزلت اجازة السنة اللى فاتت وعشان معنديش شقة لسه فى **ر قعدت عند امى فى بيت بابا الله يرحمه وكنت اتصلت بامى وقلت لها انى هنزل عندها الاجازة ووافقت مع انها كانت معترضة انى جوزى مجبش ليا شقة وكانت وجهة نظره اننا هنتجوز بره **ر وهننزل اجازات بس ومكنش معاه فلوس المهم انى وافقته وهى كانت معترضة واخواتى كمان بس انا كنت اقتنعت بوجهة نظره وسافرت اتجوزت ولما اخدت اجازة راح عند اهله وانا رحت عند امى مع العلم ان زوجى ده عنده اولاد من قبل كده وهم قاعدين مع امهم فى شقتهم وبيصرف عليهم طبعا

المهم انى امى اتخانقت معايا عشان انا كنت بروح للدكتور عشان مكنتش لسه حملت وفاتت سنة على الجواز وكمان انا سنى كبير وكنت خايفة تكون فرصتى قليلة فى الحمل اللى كان بيزعل امى ان جوزى مكنش بيروح معايا ولا بيوصلنى حتى لغاية بيت امى مع ان الدكتور ده هو اللى اختاره وكمان جنب بيت امه
وعملت امى معايا مشكلة وبسبب كده وطردتنى من البيت وحلفت مانا حاطة رجلى تانى فى البيت

وانا كنت عارفة ان امى مش هتستحملنى لانها مكنتش مستحملانى قبل ما اتجوز اصلا ومحدش يقولى ليه لان طبعها كده وهى اصلا مبتحبش البنات وللاسف ربنا رزقها باربعة

ورحت قعدت عند اختى ومرضتش اقعد عند حماتى لان اخت جوزى الكبيرة كانت نازلة **ر فى نفس التوقيت بتاعنا وكل اخواتها بيجو يشوفوها عند امهم وهما كتار ومعاهم عيالهم ومفيش مكان اقعد فيه

واخته دى مكنتش عاوزانى اقعد عند حماتى عشان اخواتها لما يجو وتعرف تاخد راحتها معاهم والشقة صغيرة اصلا
ده حتى لما كنت بتصل بجوزى قالت لى متصلش بيه كتير عشان هو قاعد معايا طول السنة ونازل اجازة عشان يقعد مع اهله واولاده وكمان عشان يفضى يروح معاها مشاوير ها ويخلص لها **الحها اللى فى **ر

وعشت اسوأ اجازة وخسيت جدا من الزعل والنكد وانى مش لاقيه حد معايا يقف جنبى

ودلوقتى الماساة بتتكرر تانى جوزى اوز ينزل اجازة كمان شهر عشان اخته الكبيرة عاوزاه ينزل معاها **ر فى الوقت ده بالذات
المشكلة بقى انى حامل وهولد فى الشهر اللى نازل فيه **ر وهو عارف كده وبرضو اخد الاجازة وحجز التذكرة كمان عشان اخته عاوزة كده

ودلوقتى هو عاوزنى انزل **ر اولد عند امه او اقعد زى مانا ومنزلش واقعد لوحدى على اساس انه هيرجع لما اولد وهو عارف انى هخلص التاسع عشان انا بكرية

واخته عاوزة انى اولد فى **ر عند امى مع ان جوزى عارف انى امى زعلت معايا وطردتنى ومش عاوزانى اجى عندها تانى

جوزى بيقولى اولدى عند امى وبالنسبة لاخواته اللى بيجو باولادهم عشان يشوفو اختهم الكبيرة مش هيخليهم يقعدوا عشان يبقى فى مكان اقعد فيه وقال هيخلى لى حد يخدمنى

انا بصراحة مش **دقاه لانه بيحب اهله جدا وبيشترى خاطرهم ومش معقول يزعل منه اخواته البنات عشانى لانى جربته فى **ر قبل كده

وفى نفس الوقت مش عاوزة ابقى لوحدى فى الغربة واولد وانا لوحدى وبيقولى اول ما اعرف انك هتولدى هقطع اجازتى واجى لك وانا مش **دقاه برضو فى النقطة دى عشان مش هيجى الا لما اخته تيجى معاه وممكن متكنش لسه خلصت **الحها اللى فى **ر وانا قلت له انى هدعى عليه وانا بولد لومجاش لانى بصراحة محروقة منه اوى وصعبان عليا نفسى بجد


وانا نفسيتى زفت وهموت من الزعل على نفسى وانى هونت على اقرب الناس ليا للدرجة دى وهو ميحاولش يخفف عنى بل بيحسسنى انى عبء عليه وانى نكدية عشان بعيط على حالى

مع ان اى حد من ولاد اخته دى بالذات لما بيعيطو بيحتويهم ودول قدى فى السن مش اطفال ومتزوجين كمان وعندهم عيال

انا كنت فاكرة ان ربنا هيعوضنى على كل اللى انا شفته فى بيت ابويا من امى ومن سلبية اخواتى الرجالة لكن للاسف محصلش وانا حاسة انى ربنا بيعاقبنى ومش راضى عنى

انا بكتب وانا بعيط ونفسى بجد وانا بولد اموت انا والنونو عشان مسبهوش فى الدنيا يتبهدل ويتمرمط زيى

قولو لى اعمل ايه انزل **ر اولد زى ماهو عاوز والا اقعد اولد لوحدى
انا مش **دقاه خالص وخايفة يكون بيضحك عليا وخصوصا لانه بيكدب كتير وعاوز يريح دماغه ومعندوش احساس بيا خالص ولا حتى فاهم ان نفسيتى تعبانة وانى دى اول ولادة ليا وزى ما يكون انا ولدت قبل كده خمسين مرة ومتعودة على كده[/SIZE][/COLOR][/FONT]