|
من رافق الطيب شرب صافي المـي
من رافق الطيب شرب صافي المـي
من رافق الطيب شرب صافي المـي عطني يا هاب الريح من وقتك شوي واسـمـع كـلامـي كــان مـابـه كلـوفـه سخر جهودك في رضا الواحـد الحـي والفـرض لا تغفـل مـن اول صفـوفـه لا تمـنـع النـاصـح لـيـا قـــال يـاخــي خـذ مـا يفـيـد وزايــد الـهـرج طـوفـه لا تطـرد المقـفـي ولا تـشـاور الـعـي قـــدام يـاكـلــك الــنــدم والـحـسـوفـه تـرى حكـيـم الـشـور يـأخـذ ويعـطـي نفسـه مـن الـراي الـدنـاوي عيـوفـه ولا تقرب الشبهه ولا تخـاوي السـي عـلـيـك بـالـلـي طـيـبــات وصــوفــه من رافق الطيب شـرب صافـي المـي ومن رافق الهافـي جفـا المـاء كفوفـه ولا تنكـر المعـروف ولـو انـه شـوي مــن قـــدم الـمـعـروف رد مـعـروفـه وأدمح خطا الطيـب ليـا صـار مخطـي وأقـبــل مـعـاذيـره وقــــدر ظــروفــه و لا تنـهـر المحـتـاج لاجــاك مـبـلـي خـسـارة فــي فـعــل خـيــر مخـلـوفـه و أطلق حجاجك لا اقبل الخاطر وحـي بـشـاشـة الـطـيَـب كـرامــة ضـيـوفـه تـرى الكريـم مـعـان بالخـيـر مـرهـي مـن يـتـرك المـاجـوب جعـلـه ذلـوفـه لا تقـطـع الرفـقـه ولــو حبلـهـا لـــي حبـل الرفـق مـن يفلـتـه بــان خـوفـه رجـل بـلا ربعـه مـن الـنـاس مجـفـي لابــــد صــكــات الـلـيـالـي تـحـوفــه واللي في عينه مايشوف البشر شيء ترى البشـر فـي عيونهـا مـا تشوفـه ومـن عـوَده حظـه علـى بـارد الـفـي لابــــد لـفـحــات الـسـمـايـم تـلـوفــه ومـن ساقتـه نفسـه علـى سكـة الغـي صـعـب علـيـه لـيـا تـمــادى نـكـوفـه تــرى الليـالـي تـطـوي أيامـنـا طـــي يالله بـحـسـن الـخـاتـمـه والـمـروفــه |
| الساعة الآن 02:18 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir