|
يازين حكي الشيخ
يازين حكي الشيخ
الشيخ لها موقف وحكايه احتفظ بها لنفسي ............. يازين حكي الشيخ لا صار سكران ? ولا خير في حكيه إذا صار صاحي اليا ارتكى للحمل والراس مليان ? يسقيك من عــــــد زلال قراحــي ابشر بطيب وجود من كاس ولسان ? وبشر بمداتٍ تغطي البراحي والحِيل من فوق الصياني لها شان ? وصفر الدلال وريحة الطيب فاحي في مجلسٍ يجمع من أشكال وألوان ? جَمْعٍ يجيه وجمع من ساع راحي وليا ارتشف له زود كاسين ثم زان ? (هذب) القصيد اللي عطاه السماحي وهاضت قرايح صادقينٍ وكذبــــــان ? ذا ناح دين وذا من الحب ناحــــي وليا صحا بليــــهان عوّد بليشـــــان ? بحموله اللي فوق (بطلين) طاحي ياشلة البارح ترى الشيخ ورطـــان ? واللي عطاكم تالي الليل (باحي) ياللي بغيت التكس منته بكسبان ? التكس يتعب فالمساء والصباحي ونشبة مرور ومع هل النقل نشبان ? بتعيف دورة عيشتـــك والكفاحـــي وياللــــي تبيلك ذود ابلٍ وغنمــــان ? حمى (الصداع) أفنت حلاله وراحي وياللي تبي لك وايتٍ تسقي الضان ? (زيد ا***ين) يأمنِك فالمراحي ( 1) يامدورين الفـــود والــــزود نقصان ? تنصون من يخطي طريق الصلاحي شيخٍ يديره كاس ضايــــع وخسران ? والضايع اللي منه يبغى الرباحـــي الليل دامه باوله يصهــــل..حصــــان ? ونصفه نهيقٍ وآخــــره للنباحـــــي ونا دعاني كني فلان وفـــــلان وكايد على مثلي لمثله مراحي والشيخ شيخ الدين والفعل ما هان ? من يجمع الثنتين راع الفلاحـــــــي (1) زيد ا***ين شركة لمياه الشرب في الرياض (( عبدالله العجمي )) |
| الساعة الآن 07:58 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir