|
دمرت حياتي بسببه حسبي الله عليه من ظالم
دمرت حياتي بسببه حسبي الله عليه من ظالم
السلام عليكم خواتي أكتبلكم سالفتية وأنا يالسة أصييح من الضيقة وحياتي تدمرت وياليت يااااليت الي عندها نصيحة وحل تكتبه والي بتقعد تعاتب و تعق كلام قاسي أقوللها تطلع برع الموضوع ولا تقرأ شيء .. أمي وأبوي مطلقين وقريب سكنت فالعين وعايشة عند أمي وكل ويكند أرد بوظبي وابات عند ابوية وهو عرس ومتزوج في هالفترة كنت انسانة بليا روح لا انيس ولا ونيس وربيعاتي عايشات حياتهن وكله طلعات وسوالف وعزايم وسفر وأنا أصيح ع مخدتية بسبب طلاق أمي وأبوي .. وكنت دوم اسهر واقعد عالانستقرام والمنتدى وغيره واحاول اسلي نفسي لدرجة صرت احس اني وحيدة المهم دخلت على اكاونت واحد وتعرفت عليه عالخاص ومن صوره وكلامه كان شكله برييئ وطيب ومحترم ويخاف ربه .. تعرفت عليه وقلت له أنا انسانة ما العب أحتاج شخص في حياتي قالي نفسي الشيء وهو كان عنده دورة خارج الدولة وساكن في استراليا وهو من الشارجة المهم تعرفت عليه وحبيته وحبني وكملنا شهر وشهرين وثلاث لين كملنا سنة وسبع شهور !! كنا حاطين امل نتزوج وهو يشتغل وابوه متوفي وعايش عند امه ومع خوانه .. ما تتخيلون كيف نحب بعض واعرف انه يحبني اي شيء اباه يسويلي ياه وفالمشاكل والضيق هو سندية !! لو اطيح في مشكلة هو يطلعني منها ويقعد يواسيني وصلت لمرحلة أقول خلاص هذا ريلي وإن شاء الله ربي بيجمعنا سافرت العمرة مع يدتي وامي وخالي واعتمرت ودعيت ربي واصيح وكل صلاة وفي قيام الليل و بعد قراية القرآن ويوم يصب مطر ادعي يعني كل اوقات الاستجابة استغلها بالاستغفار والدعاء وعلى فكرة هو أول شخص في حياتي وأول حب .. وماكان عندي هالسوالف ولا انحرفت ولا شيء الحمدلله ما بجذب عليكن طلعت وياه وتعلقت فيه وكنا أنا وهو نحلم وعايشين حياتنا بالحلوة والمرة وأغار عليه لكن هو ما يعيبه هالشيء وفجأة تغير واستوى عصبي وكل ما نتضارب انا اراضيه والله يشهد يوم هو يضاربني ويطلع الغلطان يستسمح مني وينسيني الي صار أنا وايد حساسة وطيبة وحنونة قلبي ابيض ما احقد ولا اشل في خاطرية إلا يوم انكسر وهو كسرني ما بطول عليكن .. هدفنا من هالعلاقة حب وزواج وهو وعدني وصدق كان يفكر في امور العرس والتكاليف وايمع وصارح امه وامه رفضت قالت لا انا بيوزك من قرايبنا وشو تبا فيها وعصبت عليه وسكرت كل البيبان في ويهه .. كلمها أكثر من مرة وتم يترجاها لكن ما طاعت وراسها يابس .. المهم أنا دخلت في صدمة نفسية ثلاث اسابيع اصيح وقافلة على عمري لا اكل ولا حياة شرات الناس .. اصيح واتذكر كل الذكريات وتم يقولي بتم وياج ما بخليج .. تغير عليه وصار يهملني ويطلع وياه ربعه ويوم ضغطت عليه صارخ عليه وتم يقولي تتحسبين أنا مش مضايق ومش في صدمة أحاول اسلي عمري وماحب يوم اسمعج تصيحين لأن مش بإييدي عل وعسى امي تهتدي واكلمها بعدين .. ومع الايام هملني اكثر حسيت اني بديت اكرهه بس متعلقة فيه وكله ادخل اكاونته واقعد اطالع منو يكلم وشو ينزل .. احلم فيه وانس اصيييييح تعبت وايد يا بنات والله واااااايد .. اختي تقولي بييج احسن عنه لا تصيحين عساها خيرة وانا كل يوم اردد حسبي الله ونعم الوكيل لأن امه ظلمتنا وفرقت بيننا .. وجرجت راسه بأن هالزواج مامنه فايدة ومشاكل لين ما حسيته تغير عليه أمه شكلها منحرمة من هالسوالف وتعرف ان ولدها يحبني بس مب طايعة يعني شغل عناد وحالياً أنا منهارة واهملت دراستي ونفسي وقطعت صلاتي وتعبت وايد .. وامي بدت تشك مب عارفة شو اسوي حالتي صعبة الصراحة .. أنا وايد احبه متعلقة فيه وصدق يوم قالو ماتو الرياييل ويوم اقرأ قصص البنات الي خذوا رياييلهم عن حب قعدت اجاهد فالصلاة والدعاء والالحاح الله يشهد عليه يوم اسوي هذا كله لوجه الله وللزواج :30: وأنا لله الحمد جميلة والكل يشهد ع ذلك طولي و وزني حلووو مافيني شيء غلط ابداً ودوم اردد كلمة الحمدلله و لا إله إلا أنت سبحانك إني كنت من الظالمين المهم خواتي حاليا علاقتي معاه سطحية واحسه وايد شايف نفسه عليه وانا اربع وراه ما تهون عليه العشرة و والله ما خليت شيء ما سويتله وعمري ما قصرت معاه وهو يشهد ع هالشيء المهم الحينه تعرفت ع غيره عسب انساه وريال زين ومابيننا اي شيء بس ك صديق يساندني وينصحني ويشجعني لكن وايد مشغول عني بحكم شغله وكله ويا الشيوخ وهو من دبي .. اااه قمت اكره الرياييل ماعرف كيف بتزوج مستحيل اثق في حد والله يا خواتي اشوفهم كلههههم واااااحد :30: انتظر ردودكم ومساعدتكم محتاجة خوات فعلاً :30: والله المستعان |
| الساعة الآن 09:21 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir