ryan - ماهالني غيرالجيوش اللي باطراف جفونها

ماهالني غيرالجيوش اللي باطراف جفونها

مرت مهي متحجبه. متعمده بفنونـها

. . . . هي فاجئتـني وأنتحت. ونا وقفت بحيــــرتـي

توقفت تبي تقول. لكن الحاجز دونها

. . . . ماطوّلت ونا مشيت. خوف انكشف من وقفتي

ماهالني غيرالجيوش.اللي باطراف جفونها

. . . . . أغضيت عنها مرتبك. والله ماهي بعــــادتـي

لباسهم اسود سواد. تجهزوا يحمونها

. . . . . . طارالتوازن والعقل. وشلون أوجه خطوتي

معقوله هذا شكلها. معقوله هذا لونها

. . . . . .الارض قامت بي تحوم.وين أنتي ياسيارتي

رجعت أحلّـل الموقف. واذكر سواد عيونها

. . . . .ماسلّمت شـــيء وأستلمت. ولاسلمت بطلــعتي

جاني.ألو. في حينها. خطّه أنا مضمونها

. . . . . . وانا أقـول أنّي ذكي . الله يـرحم جـــدتي

بعد إلتفاته. ياقهر. أقفت تهز أمتونها

. . . . . . مثل الحمامه لاحشى. ولاجـابتها هقـوتي

عجزت اقول إلا فقط. يارب العرش اتصونها

. . . . . .عن عين حاسد تصدفه.واحفظ لها مودتي

انا أنكويت ولاحكيت. ياحظ كيف اضنونها

. . . . عساها تصدف ثانيه. وان ماصدفت ياحسرتـي

طبعاً أنا للنفس أقول . أقول انا مرهونها

. . . . . بدايـــتي يمكن بدت. ويمكن بدت نهــايتي

شعر / فضي الهدباني