ابي اتزوج حبيب ربيعتي
 

ابي اتزوج حبيب ربيعتي
السلام عليكم وادخل في الموضوع على طول و اول شي الي عندها كلمه زينه تقولها و مابي ردود تجرح

ربيعتي كانت في علاقة حب مع واحد لمدة 3 سنوات وطبعا انا كنت اعرف كل الي بينهم و بعد هالثلاث سنوات حب انه يتقدملها رسمي بس صارت مشكله

الريال اكتشف انه ربيعتي تخونه للأسف وجذابه وعلى علاقه بشباب اخرين ( ماعلينا من كل هذا)

و بعد شهور خطبني واحد وتأكدنا انه زين و وافقت عليه و قلنا الملجه عقب شهور لين ارتب اموري ومع الايام حبيته بجنون وحبيت طيبة قلبه وصرنا احلى اثنين و قرب موعد الملجه وانصدمت انه خطيبي هو حبيب ربيعتي

والحين مااعرف شو اسوي ولا خبرت حد بالموضوع خايفه من وايد اشياء

1/علاقتي مع ربيعتي اذا تزوجته
2/علاقة اهلي مع اهل ربيعتي (سنين عايشين في فريج واحد)
3/بتقول عني خذت حبيبها منها ( وانا ماخذت حد وهو الي خطبني وانا ماجبرت حد)
و هو تركها بسبب الخيانه يعني انا مالي ذنب

بليز بنات شو تنصحوني شو اسوي وكيف افاتح ربيعتي بالموضوع

شايله هم هالزواج وايد واختصرت لكم الموضوع وكتبته بسرعه