ryan - حبها على كيفك....

حبها على كيفك....

حبها على كيفك

الشاعره دعاء عبد الوهاب

حِبها على كيفك ..
بطريقتك ..
الحب مافيش فيه كاتالوج ..
حِبها أد السما و نجومها ..
أد البحر و أد الموج ..
ف هتاف و مظاهرة ..
و ف قصيدة ..
و ف غنوة تقولها بصوت عاااالى ..
ف حكاية و كلمة و حدوتة ..
لو مشغول بالك أو خالى ..
حِبها لو واقف ف ميدانها ..
أو قاعد ف البيت تدعيلها ..
لو متضايق من أحوالها ..
و بتتمنى الماضى يعود ..
حبها لو عاشق دباديبها ..
أو حـ تهج خلاص و تسيبها ..
لو يعميك الغاز ف دروبها ..
أو شايف للصبر حدود ..
حبها لو قلبك متألم ..
أو صوتك رافض يتكلم ..
حبها م الأول و اتعلم ..
إنك بيها تعيش مسنود ..
حبها على كيفك ..
بطريقتك ..
متقلدش ف حبك حد ..
سيبك من كل اللى يلومك ..
حِبها من قلبك و بجــد

ال**در: منتدى عدلات النسائي