ryan - سمعتوا عن بخور الفم للعرايس ؟ لتعطير الفم حـــيــاج .،

سمعتوا عن بخور الفم للعرايس ؟ لتعطير الفم حـــيــاج .،
مرحبا خواتي

فالبداية قبل لا اتكلم عن التفاصيل هاي تجربة الإخت سارة كويتية
حسابها عالانستقرام ، وهاي طريقتها الخاصة وبتجربتها الشخصية
ذكرت ال**در لحفظ الحقوق . ،

بخور الفم للعرايس هي لتعطير رائحة الفم وتقدرين تسوينه فالبيت وبروحج
وكل المكونات فالبيت

وحسب الي تقوله أن هالطريقة سهلة وخليها شيء اساسي عندج بعد ما تفرشين ضروسج

فوايدها:

تشل ريحة الفم الكريهة ، وحتى الي عندهم مشاكل فالمعدة بتحلها بإذن الله
وتنفع للكل .

{ بسم الله } نبدأ

المكونات :

- فنيان مبشر ليمون ناعم جدا
- ملعقتين كبار هيل مطحون ناعم
- ملعقتين جرفة مطحون وناعم
- ملعقة قرنفل ( مسمار ) مطحون ناعم
- ملعقة صغيرة سكر بني > بس تقول ما يحتاي :)
- ملعقة كبيرة مستكه مطحون ناعم
- ربع فنيان ماي ورد
- ثلاث ملاعق عسل أصلي أو عادي
- وإضافة بسيطة وسرررية وهو النعناع المجفف حطو ملعقتين صغار وخلطوهم

وبخصوص ماي الورد صبو شوي مب وايد عسب ما يستوي لييين
، اعجنوها وكوروها وإذا ماكانت ماسكة ضيفن عليها شوي عسل عشان تتماسك
ونشفيها ، ويفضل تحطين الكور فالثلاجة ليوم واحد وخلاف تحطهم في علبة

طريقة استعمالها:

بالمضغ وممكن تتضايقين من المكونات بس الريحة تكون مركزة

أو

عن طريق ال** نفس الحلاوة

وبس :27:

نقل التجربة للإستفادة فقط ^^