أنا بخبركم عن قصتي وياريت تدعولي وابغي نصايحكم

لاني ماعندي خوات واعتبركم أنتوا خواتي ...

بنات أنا تقربيا من سنتين كان متقدم لي أنسان الف

وحدة تتمناه وكان فيه المواصفات اللي أي بنت تتمناها جمال

وأخلاق ومنصب يعني كان

فارس أحلامي وسبحان الله قبل مانملج بأسبوع اختلفنا على

موضوع السكن وماصار نصيب وبعدها نفسيتي وايد تعبت لان كل

مايتقدم لي واحد الموضوع مايكمل وكرهت موضوع الزواج

وابوي وحليله ماقصر ووادني عند مطوع معروف وقرى علي

وقال لي ناس مسوين لج عمل عشان ماتتزوجين

((حسبي ونعم الوكيل)) .....

بنات والله العظيم اني من النوع الطيب وفي حالي عمري ماضريت

حد وأتمنى الخير للكل بس شو أقول ..

المهم عقبها بفترة الحمدالله تميت أقرى سورة البقرة واستغفر

يعني تقربت أكثر من ربي وتقدم لي مرة ثانية ولد ربيعة أمي على

فكرة هو يا مع أهله وشافني النظرة الشرعية وعقبها صارت

ظروف والموضوع تنكسل ورد عقب 8 شهور مرة ثانية وخطبني


رسمي المهم أنا كنت رافضة الموضوع لاني كنت ادري أن

بيستوي شي كالعادة والموضوع مابيكمل بس وافقت الصراحة

عشان خاطر أمي وعشان خاطر أمه لانها وحليلها هي وبناتها

يحبوني واااايد ويبغوني أكون لولدهم ...

المهم صار النصيب وسوينا حفلة خطوبة ولبسني الشبكة وكان

وايد مستانس ونفس اليوم عقب الحفلة تم يرمسني ع الفون لين

أذان الفيرمن كثر ماكان مستانس وأنا الصراحة كنت مسويه له

طاف وهو في البداية كان متخبل وايد علي كان يتصل فيني فوق

50 مرة في اليوم وانا ساعات اطنشه وساعات ارد عليه ويوم

يوم كنت ارمسه كنت ارادده في الكلام واهملته في البداية

واعترف في هالشي وادري أني غلطانه

بس والله يابنات غصبنا من كثر نفسيتي

ماكانت تعبانة وكنت خايفة أتعلق فيه والموضوع مايكمل نفس كل

مرة لاني كنت دوم اتذكر كلام المطوع واستوى شي ماكنت

متوقعة أنه بيستوى تعلقت فيه وايد وحبيته أكثر من روحي من

كثر ماكان يهتم فيني ولين الحين أحبه موووت بس للاسف في

الفترة اللي تغيرت فيها وصرت أنسانة ثانية وقمت اهتم فيه هو

تغير علي وصار انسان ثاني مب الشخص اللي عرفته مب

اللي حبيته كان اذا مارمسته في اليوم يتخبل والحين كمل 6 شهور

مايرمسني ومن فترة طرشلي مسج يقولي ماشي نصيب بينا

وبتمين غالية وعزيزة على قلبي وديري بالج على نفسج

بنات والله انكسرت من داخلي وطرشت له مسج وقلت له أنا

ماابغي أجبرك على شي أنت ماتباه والله يوفقك ومارد علي

المشكلة أنا ادري انه يحبني بس ليش جي سوى فيني والله تعبت

ومن فترة سمعت أنه خطب بس مب متاكده من هالكلام وقلت

بطرش له الشبكة بس ليش يخليني عقب ماتعلقت فيه مب حرام

والحين متقدمين لي شخصين وماادري شو أسوي راسي بيفجر

من التفكير مادري شو أسوي انا لين الحين أحب خطيبي ووفي

نفس الوقت أخاف اوافق واظلمهم معاي لاني لين الحين أحبه

واخاف بعد أوافق ويتكرر نفس الشي الموضوع مايكمل واخاف

واعيش على أمل انه يردلي وعمري يضيع ع الفاضي انا توني داشة 27

يعني مب صغيرة وامي الله يطول في عمرها دوم تقولي أبغي افرح

فيج قبل مايستوى لي شي ابغي افرحها

والله بتخبل مادري شو أسوي بنات ادعولي والله تعبت

وسامحوني خواتي لاني طولت عليكم