#poem_50a9b77fbbd34 td { font-family: 'Simplified Arabic', Arial, Helvetica, sans-serif; font-size: large; font-weight: bold; } بعد الغياب اللي ما نساني اياك رديت لأخر عهد بيني و بينك جيتك و انا اعرف ليش لأني اهواك ان دنتني بالبعد و الا ابي ادينك مااصعب من فراقك سوا حلم لاماك الله يعاوني عليك و يعينك اقفي عنك و اقول صديت و القاك في وسط عيني ليتني و سط عينك فيني هنا عايش و عايش بك هناك يا قسوة فراقك و يا حلو لينك ياليت تعرف صدمتي بك و ان اقراك لحظة كتب شكك ( نهاية يقينك ) بس الحقيقة وين مالظرف وداك مرهون في قلبي و قلبي رهينك فيني مداهيلك من اقصاك لأقصاك و انا يسلمني شمالك يمينك اظماك و ارد لك و اصدّر و انا اظماك تقسى علي شمس الضحى من جبينك اسوم حلمي و ارخصه و اتغالاك و اشوم بك عن كل علمٍ يهينك اصبر و اقول العمر و احلامي فداك ارحل بعد ماكنت ادورك وينك بعد الغياب اللي مانساني اياك جيتك و حال السلم بيني و بينك