طاري .. العـذب ّ.
 

طاري .. العـذب ّ.
السلام عليكم ورحمة الله وبركاته ,,
ويشرفني الانضمام الي شبكة أبعاد الأدبية ، وكل التحيّه للأعضاء جميعاً ..
والشعر وخيم القلب إذا ماباح ، .. والعذب مكنونه .

،،،

الشعر له طاري .. وياشين مقصوده
آقوله فود بلسـاني مانيب قصـّادي
.
مثل الحيّا جاب التباشير في نوده
يغرّق سحاح الأرض ويفيّض بوادي

,,,


والقصيدة تقول :

قالوا قصايد قلت يالله على من ؟
قالوا تقول إرموز ماهي عباره .

قالوا حكي .. قلت القصايد لنا فنً
سحر البيان اليوم ذوق وشطاره

قالوا أكاذيب تصور معـه ظن
غاوي وغادي ماربحت بتجاره

قلت الشعر بأحساس روحي مهيمن
والخافي أعظم لو تبيّن بغاره .

قالوا تقول إلهام بأحساس من ون َ؟
نقرأ حروف الدرّ سعي ّ بالجهاره

هذا الشعر .. وضحّ لنا خافي اللنّ
و آتره على كل المشاعر خساره

قلت الشعر بيّن خفا ما تبيّن
في مهجة الشاعر بيّن مساره

ماشافته عيني بحياتي وجرّن
والحظ الاقشر في لياليه ونهاره

برسم براويز الصّور وأتفنن ..
صرخت ألم .. صرخت عذاب ومراره

،،،،
،،
،

وسلامتكم جميع .. وليد بن رشيد التميمي