|
تخوفني ليام... =بقلمي=
تخوفني ليام... =بقلمي=
السلام عليكم كلمة على الأحداث الاخيرة التي حزت في نفسي كثيرا و تركت أثر بالغ في القلب و خير ماقل و دل كنت مهني يا لخاوة في لمان---هلكني من جا ظلمني بسوالو منيش خلوطي ماعندي عديان---ما باقي أمان ف الخلطة والو يا محمد قال لي شفتك عيان---وسمايم وجهك ف اللون اذبالو جاوبتو بالله باريني يا فلان---ياك الصمت ذهب في لول قالو يابن عمي شوف تاخر الزمان---تقسى فيه قلوب وتقباح افعالو منلي عادت فيه تموت صبيان---تتقطع و تتلاح بما دارو والو ياخوتي ولات البراءة تتهان---واه المجرم عاد يتباهى باعمالو ياعجابة واه تتجطل خرفان---ذالمجرم مرهوج ماهو في حالو كل صباح مهولة لخبار اتبان---ذالشعب المذلول اطحن ما ذالو ذي نهال اليوم وقبلها شبان---نطالب بالاعدام يقصب يبدالو لازم القصاص فيحق الانسان---ذا حكم الاله امسطر عن جالو اسفحل ذ المرض وهاهو بان---و تقوى واكثر و ايامو طالو القلوب قسات حجر و صوان---واسفحل اجرام و قلوب اكحالو واه اسماط الوقت وقادي يشيان---تخوفني أيام راهم ما زالو بقلمي medcherif03 |
| الساعة الآن 02:51 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir