ryan - أختي منبع العلم تفضلي ......... الــمـعـقـودة

أختي منبع العلم تفضلي ......... الــمـعـقـودة
السلام عليكم و رحمة الله تعالى و بركاته

.................................................. ................

أختي الكريمة ان شاء الله تكوني بصحة و عافية

كنتي طلبتي مني في هاذ الموضوع طريقتي في المعقودة

http://www.djelfa.info/vb/showthread...1931830&page=2

بالنسبة للمعقودة هي بسيطة جدا شوفي نقي و قطعي البطاطا مربعات و ديريهم يطيبو في ماء فيه شوي ملح و ورقة رند و غي يطيبو صفي البطاطا و ميكسيها بفرشيطة و هي سخونة ضيفي قيس مغيرفة صغيرة **دة و شوية فلفل اكحل و سنينات ثوم مهروس و معدنوس مفروم رقيق ضيفي حبة بيض و مغرف كبيرة فرينة و خلطي الكل ما تنسيش ذوقيها ادا خاصها شوي ملح ضيفي و خليها تبرد شوية في الثلاجة قبل الاستعمال

و كنصحية البطاطا من الأحسن تهرسيها يا بفرشيطة ولا الرحاية اليدوية و ابتعدي على البرا ميكسور على خاطرش تفرمهم يجو شغل بيري

كي يبردو المعقودة شكليهم قريصات و ادا حبيتي ديري في وسطهم فرماج هاد شي اختياري و مرمديهم في الفرينة اولا و من بعد في البيض و من بعد ثالث خطوة في لا شابلير و الى المقلة فيها زيت مسخن و من الأحسن ما يكونش زيت بزاف باش نحافضو على شكل المعقودة و نضمن ما تفتحش لينا في المقلة

هادي يا اختي طريقتي في المعقودة و ان شاء الله تجربيها و تعجبك

تفضلي الصور

http://www.3rbz.com/uploads/2a383a79e8f91.jpg

http://www.3rbz.com/uploads/6523b3da4c532.jpg

http://www.3rbz.com/uploads/5693e0a468624.jpg

http://www.3rbz.com/uploads/1deff993da885.jpg

http://www.3rbz.com/uploads/f380390f60376.jpg

http://www.3rbz.com/uploads/58636237026a7.jpg

في أمان الله