تفضلو بطاطا محشية بطريقة جديدة
 

تفضلو بطاطا محشية بطريقة جديدة
:dj_17::dj_17::dj_17::dj_17:
السلام عليكم اخواتي اليوم جبتلكم طبق جديد هو بطاطا محشية فالفرن بزاف بنينة و خفيفة مانطولش عليكم :)
نقشر حبات بطاطا متوسطة الحجم على حسب عدد الافراد نفرغها من الوسط و نتبلها بشوية ملح فلفل اسود و نقليها في زيت غزير كي تطيب نقطرها من الزيت و نحطها فالطبق اللي ندخلو للفور
من جهة اخرى نجهز الحشو اللي متكون من : دجاج مفروم و ثوم و معدنوس مفروم ناعم و قرن فلفل حار مفروم ناعم و زيتون اخضر مقطع و صفار حبة بيض و ملح فلفل اسود فلفل احمر نخلط الحشو جيدا من بعد نقوم بحشو حبات البطاطا و نضيف عليها مرق احمر تكون حضرتيه من قبل و كل سيدة تعرف دير مرق احمر ماشاء الله عليكم و ندخلوه للفرن حتى يطيب الدجاج المفروم بعد ماينضج نضيف لها جبن شيدار مبشور و نرجها للفور غير تلقاي الفرماج ذاب نخرجها من الفور و مزينها بحبات زيتون اخضر و شوية معدنوس بالصحة و الراحة ان شاء الله تعجبكم :19::19::19:

الصور المرفقة http://www.djelfa.info/vb/images/attach/jpg.gif 2015-10-20-5326.jpg‏ (192.0 كيلوبايت) http://www.djelfa.info/vb/images/attach/jpg.gif 2015-10-20-5327.jpg‏ (191.9 كيلوبايت) http://www.djelfa.info/vb/images/attach/jpg.gif 2015-10-20-5329.jpg‏ (190.6 كيلوبايت) http://www.djelfa.info/vb/images/attach/jpg.gif 2015-10-20-5330.jpg‏ (193.1 كيلوبايت)