ryan - مالك يابني بس ؟ .. ايه مشكلتك ؟

مالك يابني بس ؟ .. ايه مشكلتك ؟
<div>

السلام عليكم ورحمة الله وبركاته

حاجة خفيفة كدة
لــ amr abo zeed

سامحونا ع الالفاظ :soccer:

- باركيلي أنا أخيرا الحمد لله لقيت كلمة أقدر أوصف بيها مشكلتي لما حد يسألني السؤال السخيف بتاع ( مالك يابني بس ؟ .. ايه مشكلتك ؟ )

- طب وانت كنت تاعب نفسك وبتدور ليه كنت تعالى اسألني يا حبيبي من زمان وأنا أقولك ... انت بارد ... دي مشكلتك الكبيرة وبيتهيألي ناس كتير قالولك الموضوع ده قبل كده

- لا يا مملة مش هي دي الكلمة المناسبة لحالتي ... أنا مشكلتي العظمى اني ( عالق )

- انت عارف وال**حف كان نفسي أقولك كده من زمان بس عارفة انك مابتحبنيش أقول الألفاظ دي ...انت علق جدا فعلا ... زيادة عن الطبيعي بتاع كل الناس ... أنا كنت فاكرة ان مشك......

- بس .. بس يا قذرة ... انتي هتشرحي كمان ؟ ... أنا بقول عالق يا ماما مش علق ... ركزي

- اه معلش اسفة ... سمعت غلط ... بس اهي كانت فرصة كويسة اني أعرفك حكاية انك علق دي ههههههههههههه ... المهم طيب عالق ده اللي هو عامل ازاي يعني ؟

- عالق يعني STUCK .... ماسمعتيش الكلمة دي قبل كده في أي **** أجنبي من اللي بقالك كتير بتطلي منهم اشوفهم دول .... مافيش بطل في اي **** منهم كانت دقنه منبتة خفيف ومش متسرح كويس وعاملينله هالات سودة خفيفة حوالين عينه عشان يبان طول ال**** انه مرهق خلص كلام مع البطلة وبعد ما سابها ومشي خطوتين لقدام رجع بصلها تاني والأسى بيشر من وشه
وقالها بنبرة حاسمة مجهدة Sorry I'm stuck ؟ .... أمال أفلام أجنبي ايه اللي انتي مبهورة بيها الله يخرب بيتك وبيت ذوقك المهبب

- أبوه أيوه عارفاها وشفتها كمان في بوست قبل كده في وسط كلام عربي كتير كده كله صعبانيات .... المهم هنا ومن غير هزار انت قاصد ايه بالظبط بفكرة عالق دي ... عالق في ايه يا أخرة صبري فهمني بس؟

- ممممممم .. عالق يعني متورط ... غارس ... المهم اني مش عارف أخرج من اللي أنا فيه ... مش عارف اصلا ايه هو اللي انا فيه ده ولا بدأ ازاي وامتى بس اللي حاصل اني مش عارف أخرج منه .... عالق ... وبستنى أي حاجة تعدي بالقرب مني أتلهي فيها شوية وأنا في مكاني عشان الوقت يعدي وخلاص ... ناس وحاجات وأوقات بتجري من قدامي وأنا ثابت .... مافيش حركة ... مافيش طاقة طبعا ...مافيش أي فعل مني ... يادوب كلها ردود أفعال لو حصل وحد جه في مكاني وعمل أي فعل .. عالق يا ماما فاهمة ؟

- اها والله فاهمة ... زي كمال أبو رية كده في ***** سوق العصر ... هو برضه كان اسمه في ال***** سيد العالق هههههههههههههه .... خلاص بهزر بهزر

- لطيفة فشخ ما شاء الله

- أهي مرة من نفسي اروش أنا عليك .... المهم يا عم القافش .. الحل ايه بقى بما انك الحمد لله عرفت المشكلة ...ولا كالعادة مافيش معاك حلول ؟

- بصي هو اللي حصل ده حصل بالتدريج البطئ جدا بس أفتكر ان لو فيه حل لازم يبقى حل سريع ومفاجئ ... يعني انتشال خاطف يخرجني من الخرا ده من غير ترتيبات وتأجيلات واتفاقات مع نفسي بالتغيير من أول يوم السبت والجو ده

- انت عارف انت حلك ايه والله العظيم ومش بهزر ؟

- ايه ؟ .. انجزي

- أبوك الله يرحمه تحصل معجزة ويُبعث لمدة يوم واحد يضربك ( عالقة ) محترمة .. هتلاقي نفسك بقيت زي الفل ههههههههههههههههههههههههه ه

- تصدقي انتي كنتي صح من الأول خالص ... من أول جملة سمعتيها غلط ... أنا راجل علق فعلا اني جيت أتكلم معاكي

ال**در: منتدى المرأة والطفل - جنى النسائية - من قسم: يحكى أن ..

lhg; dhfkd fs ? >> hdi la;gj;