|
عطيتك عاهد في المحبة مانخدع -بقلمي-
عطيتك عاهد في المحبة مانخدع -بقلمي-
عطيتك عاهد في المحبة مانخدع****سقسي قلبي راه شاهد عالقول لكلام ا***اد حالف ما نسمع****قاهني خاطرك هاذ الشي معقول قولت لها لو كان تخطيني انضبع****نخرج عن عقلي و نسمى مهبول من غيرك حنونتي والله مانقنع****و لا تملي عيني شهلالت لعقول يا ودادة في غرامك ما نشبع****ولا يشبع من كان يسبن فالمعسول مانسمح لو جيت في فم المدفع****نموت عليك ولا نبقى ديمة مذلول قالت لي م****تي وعينيها تدمع****بعيد الشر عليك يا سيد لفحول أنا ديمة معاك و حلفت ماترجع****لو دارو عني العسة بعساكر طول يا عمري محلاك بكلام امرصع****و كبرتي في عيني وزدتيني قبول اقصبنا الحال ضيق و افرقنا فيسع****هي راحت هانية وانا جبت اخبول و انسى روحو قلبي معاها متربع**** جيت انحنن قا الناقة على المخلول ضاق الحال وطال بيا ذ المرتع****و عقلي شايش قا انقاطع للمرحول ضياق الخاطر يا ختي ما يسوسع****بين ليلة ونهار جا وادي محمول هاج عليا شوقها جاني متقلع****من وحشك مقواه كيفاش المعمول ديري سبة قا من نشوفتك نقنع****و ذالي مدة عليك حتى دار الحول عياني ذ القلب من شين الطبع****ما يدي عبرة دايم كي البهلول انتبع في رايو عاصي ما يشبع****مهملني في ودها صاعب مجهول داروها في حوش ع الزورة تمنع****لا طلة لا اخبار ايجوها بسهول يا قلبي خلاص من هاذي ودع****افرقنا زينة اضحكة سلابة لعقول دخلو ما بيناتنا ذ القوم البدع****و حكمو لي بالموت و أنايا مشلول شوفو ذ الحرمان فيا مايصنع****مقواه اللي ضاع حبو مايبقى مذهول فتنتني فالصلاة منها ما نخشع****و ملازمني خيالها على عيني منقول يا ربي برد فراقها حامي يوجع****و طفي ذ المشعال من قلبي ايزول خبر الفرقة ايجي واعر يفجع****و يصهد بالحمى ما عندي ما نقول تمت بقلمي medcherif03 الصور المرفقة http://www.djelfa.info/vb/images/attach/jpg.gif PIC-241-1354320095.jpg‏ (4.7 كيلوبايت) |
| الساعة الآن 02:48 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir