ryan - [من مطبخي] بطاطس كروكيت محشية لحمة مفرومة

[من مطبخي] بطاطس كروكيت محشية لحمة مفرومة
السلام عليكم ورحمة الله وبركاته
دي طريقة بطاطس كروكيت وهقولكم الاخطاء اللي حصلت معايا عشان تتفادوها ودي صورتها النهائية بعد رحلة الهرس
http://up.3dlat.com/uploads/3dlat.com_13897261533.png
**الطريقة:
1- هنجهز الحشوة (ودي بتبقي دايما بواقي لحمة مفرومة عندي) يبقي لحمة مفرومة معصجة وعليها بقدونس وشبت وملح وفلفل وبهارات وشطة
2-هنسلق البطاطس ونهرسها كويس بالهراسة او بروسيسور زي ماتحبي المهم تبقي ناعمة وهتحطي عليها ملح وفلفل فقط (وانا بعملها كده لكن اتفزلكت المرة دي وقلت اجرب حتة **دة معاها تديها طعم ...وحطيت بيضة ومعرفش لازمتها ايه مكنتش بحط ...وطبعا النتيجة انها طريت اوي وطلعت عيني في تشكليها) يبقي تاني اهو متحطيش اي اضافات بطاطس فقط لا غير يارب
3- هنشكلها كور او صوابع ونحشيها لحمة مفرومة
4-هنحطها في بيض ولبن مرشوش عليهم ملح وفلفل وبعدين نطلعها نحطها في الدقيق
5-هنرجعها تاني في البيض وبعدين البقسماط عشان تعمل طبقة كويسة ودي بتبقي مع معظم الاكلات اللي بتتقلي بالقسماط( البقسماط بقي انا بحط عليه كيس فيجيتار وشوية ملح وفلفل)
6-وبعدين ترصيها في اي طبق وتدخليها الفريزر لحد ما تجمد وبعدين تتقلي في زيت سخن وخلي بالك عشان بتحمر بسرعة جدا
http://up.3dlat.com/uploads/3dlat.com_13897261531.png
وده شكلها بعد ما طلعت من الزيت بسلام
http://up.3dlat.com/uploads/3dlat.com_13897261532.png
وبالهنا والشفا
:228:

ال**در: منتدى عدلات النسائي