يا خالي وقت الدلال انتاعك راح
 

يا خالي وقت الدلال انتاعك راح
يـا خالي وقت الدلال أنتاعك راح **** يوم ادفنت أرفيقتك في الجبانا
يا وعدي قنطاس بيتك قالوا طاح **** هذا أمر اصعيب ياسر عيانا
عزوني في العاقلة زينة لمـــلاح**** مولات المعروف ديما روانــــا
مثل النـــاقة خلفــتلك قا لمراح **** واقليل الدلال يبقى في الهـــانا
أنت كنت الطير هي ليك اجناح**** يوم انتعزم عدها خــل المـــانا
أم أولادك قاطعة خدمي ذباح **** بر الصحــراء فيه كانمت قيطانة
القـــاصد لمحلها ثمة يرتاح ****دهان الفالي فيه موكل وادوانـــا
اذا قلنا الفاكهة كانت تفاح **** فاقت في لوصاف خوخ اورمـــانا
بنت الحاج أمعاك حربية ب**** **** ترضى بالمكتوب ديمـة فرحــانا
يا بن سالم ذا البحر ليه السباح****موج عالي رآه هايج عيـــانــــا
ياحزني قمر الحمام عليها ناح**** شاهي شـــــوفتها الأم الحنـــانا
اليوم اسكر بابنا ضاع المفتاح **** عدنا ضرك أيتام لمــن واسانــا
الدنيــا فيها أحــزان مع لفــراح ****حين أننسى الموت هو ما ينسانـــا
أمر الله مذكور في كتبة وألــواح **** المــؤمن **ـاب حبـــو مـولانــا
مطلع كل انهــــار ياتينا براح****أفطــن يا مسكــــين ذا الـــواد أذانا
من يامن ذا الفــانيا في النار أتلاح ****خــدعت طما عين ليها تدانــا
هــذا الوقت الشين هوضلي لجـراح****كأس العلقم مر من ماه أروانا
يا خــــويا من قالي ما نا يمــلاح**** وين أثمـــار أبلا دنا يا شومانا
يا بت داود بعدكم ذا الجيل أجياح **** نا كر للمعروف بالجهل ارمانا
يـــوم الجمعة قالي بالخف أرواح ****صبرك للقيوم بالموت أبلانـــا
عقبنا الصبحة ادموع مع التنواح****حكمة ربي رآه للصبر اهـدانـــا
الصبـــار أيكون للدمعة مســـاح**** هو يظفر بالجايزة يوم ألقـــــانـــا
الشهر الثامن أولو عطرك ما فاح****خليت لحباب بعــدك عطشانا
راني نذكر فالخصايل لامداح ****مـــثل البدر ألتمسى خـــــلانا
ألطاع الوالدة نال الفـــلاح****نهر الكوثر فيه جملة مــروانا
واصلاة المختار بيها نا صداح**** مكتوب الله ما نقولوا نوانا
البذرة زراعها راجل فلاح **** صيل منو رآه قمح المروانـــا
محمد في عيشتو شاهي يرتاح **** جات اسحابة صيف قطات أسمانا