|
رولي المخطط بشكل جذاب
رولي المخطط بشكل جذاب
صباح الخير يا الفحلات حبيت نشاركم بتجربتي مع البيسكوي رولي بشكل جديد و غادي يعجب العائلة خاصة الأطفال بلا ما نطول عليكم نبداو بالوصفة المقادير هي : 4 حبات بيض 100 غرام سكر 100 غرام فرينة مغرف صغير كاكاو و النيوتيلا اممممممم طريقة التحضير : نكسرو الأربع بيضات + كمية السكر و نضربوهم بالخلاط الكهربائي و من الأفضل نضع ايناء العمل فوق حمام مائي يسهلنا العمل و يطلع البيض بسرعة حتى يرجع لونو مائل للبياض بواسطة صفاية نبدا نضيف في الفرينة و نخلط من التحت للفوق بالعقل حتى تكمل 100 غ و نشوفو بالي الخليط تجانس لونه نحو كمية من الخليط و نضيفولها الكاكاو باه نتحصلو على الون البني الآن نجيبو صنية تاع الكويزينيار تكون مستطيلة و نفرشو ورق ال**دة و نجيبو كيس حلواني الي معندهاش ماشي مشكل بالكيس تاع الحليب نعمروه بالخليط البني و نشكلو خطوط عشوائية في الصينية باه يخرجلنا الشكل المزخرف كيما تاع الزرافة كي نكملو نفرغو الخليط الأبيض بالعقل و نعمرو كامل الفراغات و نمشو الخليط ندخلوه للفرن مدة 7 د على درجة حرارة 180° غير ينشف نشعلولو مالفوق يحمار شويا نخرجوه يبرد قليلا و ننزعوه من الورق و نعمروه بالنيوتيلا و ندوروه و نخلوه يبرد و يحكم الشكل و يقدم بالصحة و لاراحة نتمنى تنال اعجابكم نخليكم مع الصور http://www3.0zz0.com/2016/02/28/12/786846616.jpg http://www3.0zz0.com/2016/02/28/12/394485115.jpg http://www3.0zz0.com/2016/02/28/12/643687699.jpg http://www3.0zz0.com/2016/02/28/12/212456003.jpg http://www3.0zz0.com/2016/02/28/12/740017065.jpg http://www3.0zz0.com/2016/02/28/12/816793228.jpg[/IMG][/IMG][/IMG][/IMG][/IMG] |
| الساعة الآن 10:06 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir