ryan - يا كبرها يا عبرها كيف صارت ** تدفع ضريبة الرحم ظلم وعقوق

يا كبرها يا عبرها كيف صارت ** تدفع ضريبة الرحم ظلم وعقوق

يا كبرها يا عبرها كــيــــــف صارت ** تــدفـــــع ضريبة الرحم ظلم وعقوق
دنـــــيـــــاك هذي يالفطين استدارت ** تغيرت يا شينها مـا لــهــــــــــا ذوق
احذر يغرك غوشها لو تبــــــــــارت ** اكثر العلم اهــيـــــاط ورعود وبروق
والنفس من عقب الجميل استخـارت ** تحطمت هـقـواتـهـا وخـــــافت البوق
غارت هقاوينا مع الوقت غـــــــارت ** تبخرت قــيــعــانــهــــا بقيعة صفوق
دارت عــلـيـنــا من الـرديـيــن دارت ** وضاعت بها هقواتنا وشـاخ مطفوق
يا لعن ابو نفـس تردت وبـــــــــارت ** نفس تبــارت بالردى وشـين منطوق
ونفس العزيز اللي على الطيب مارت ** ما حــد يبيها وعندهم كـرت محروق
حار القدم والنفس والروح حــــارت ** حار القدم وازرى عن السير بالحـوق
يا هقوتي اللي خدرتني وطـــــــارت ** من عقب ماني خـــالي الـبـال وآروق
غـــــارت علينا سود الايام غــــارت ** تحطـمـت آمــــالــنـــا وزادت اطقـوق
وعسى العزاء باللي له الروح نارت ** رب كــريم ومعتلي بالسمــــــاء فـوق
يرحم ضعيف قوته اليوم خـــــــارت ** خـارت قواه ومن بلا الوقت مسحوق
به العوض ربي الـيـاقــــــال صارت ** وتبـدلت احزاننا واقــبــل الـســــــوق
وبعنا وشرينا والـمـــراجــل تـبارت ** وغدا لهـا من بين الاجـــــواد طاروق
وعلومهم يـــــــــمّ العزيزين سارت ** يفرح بهـا الطيب ويـدمـــع بها الموق
وابعد عن اللي للردي اسـتـعــــارت ** لو هي قــرابـــــة ودمها طوقك طوق

من جديد / الخيّال التغلبي .