ryan - ليه بنصوم ؟

ليه بنصوم ؟
<div>

http://gaanaa.net/vb/mwaextraedit4/extra/110.gif

انا صغير .. كُنت لما اسأل امي احنا ليه بنصوم ؟! تقولي علشان نحس بالفقير .. بصراحه كانت اجابه مُقنعه .. ومالو .. ادخل المطبخ الاقي امي عامله ع الفطار يومًا لحوم وفراخ وبشاميل وبفتيك افضل انواع الاكل اللي البيت بيحبه .. ماشاء الله بس غريبه ازاي هنحس بالفقرا واحنا بناكل كدا ؟! اٍذًا دي مُش فكرة الصيام .. الصيام هو قُربان بنقدمه لله .. جسمك دا عامل زي الحُصان وعقلك هو الفارس اللي بيقود الحصان ..

فربنا امر الفارس " اللي هو عقلك " يعطي اوامر لجسمك بعدم الاكل والشُرب .. وانت بتقود الحُصان بدون ما تشرب او تاكل يبقي الهَدف هنا تدريب النفس علي ولائها لله تبارك وتعالي ... زي بالظبط ان ربنا خلق العين .. علشان نشوف بيها .. وقالك شوف كل اللي تحبه شجر وزرع وبيوت وحيوانات وطيور بس نوع معين من البشر لازم تغض بصرك عنه وهو النساء .. اٍذا انت بتأمر الخُصان " اللي هو جسمك " ميبصش علي النساء .. وعلي فكره دا حفاظًا عليك ...

ربنا مُش غرضه يُخنقك ! او يضيق عليك .. لكنك لما تبص هتصاحب .. ولما تصاحب هتقع ف المُحرامات ! واكيد انت فاهم قصدي ! يبقي منع عنك الشَر من الاول .. .. كان مُمكن ربنا يسمح ليكي تتجوزي ف اي وقت بدون اٍشهار مهو جواز برده ! لكن ربنا بيرفع قيمتك قالك لابد توافقي و بتشُرطي عايزه مهر كذا شبكه كذا ولابد موافقت الوالد بيعزز مقامك واٍشهار شايفه بتبقي سِلعة الله الغاليه وتعرفي شخصيته ويعرفك مُش جواز خبط لزق لاء دا حياه ولابد تلاقي اللي تحبيه فيه وهو كمان " القبول " .. ! .. وهكذا ربنا منع عننا الزواج من العمه والخاله والاخت .. تخيل كدا انت واخوك عايزين تتجوزوا اختك ! يحصل خناقه ! تفكك اسري ! ضاع البيت .. وهكذا عمتك .. فربنا منع عنك كدا .. قال متتجوزش اختين مع بعض .. ليه ؟! هتشتتهم وهيكرهوا بعض ويبقي في ضغينه وكُره بينهم ويتقطع الرِحم اللي رابطهم وربنا امرهم بوصله ! .. بصوا يا جماعه ربنا ممنعش عننا شيئ وحرمه الا والعقل قال فعلاً حاجه مُش كويسه .. ومقالش علي شيئ حلال الا لما العقل يقول فعلاً حاجه كويسه ..

حتي الزنا ساعات تكون عايز تزني وانتي كمان .. بس تيجي لشاب ذهب للني وقاله اٍئذن لي بالزنا يا رسول الله .. النبي مضربوش او شتمه ! قاله كلام حكيم .. أترضاه لامك ؟! قال لا .. قاله اترضاه لاختك ؟! قال لاء قاله اترضاه لعمتك ؟ اترضاه لخالتك قال لا لا وتاب ! .. اٍذًا كُل امور الدين بتكون ف الاول والاخر ل**لحتنا .. بتقدم قُربان الصيام تلاقي قصاده جبال جبال من ا***نات وعِتق من النار وغُفران .. وهكذا كُل لما تقدم شيئ هتلاقي مُقابل ..

يا صديقي دينك ارض صلبه خليك واثق في دينك واوعي اي حد يشكك فيه كله هيموت ويمشي ودينك هيفضل واسم نبيك .. الله اسمه الحق .. وانت دينك هو الحق فاٍثبت وخليك واثق في الله .. وانا ناوي اصوم الـ 9 ايام الاوائل من شهر ذي الحجه لحد يوم الوقفه باذن الله .. ياسلام لما تقدم لربنا قُربان وتصومهم !.. وعلي فكره فضل صيام اليوم من ذي الحجه بـ 1000 سنه ف الايام العاديه وفضل صيام يوم عرفه ب 10000 سنه !!

يعني 18000 سنه صيام بتاخد ثوابهم .. بجد يعني هاخد ثواب 18000 سنه صيام ؟! اه والله دا مش كلامي دا كلام سيدنا انس بن مالك وكلام بن عم النبي سيدنا بن عباس ! .. خلاص هصوم .. بجد هتصوم ؟! اه ياعم دي فرصه .. تصدق بالله .. لا اله الا الله ..

انت معلم واحنا منك نتعلم .. تستاهل طياره .. لا طياره شويه عليك :mf_cleopatra:

لـ احمد ايمن

ال**در: منتدى المرأة والطفل - جنى النسائية - من قسم: رمضانيات والصوم

gdi fkw,l ?