فراغات الشعر ..الحل !!!!!
 

فراغات الشعر ..الحل !!!!!
السلام عليكم ورحمه الله وبركاته


شحاالكم حريم وبنوتات ...؟؟؟


بخبركم جدولي تقريبا الشهري للاهتمام بشعري ...ومتفائله اني بحصل نتيجه ترضيني

لكــــــن انصدمت ...!! النتيجه بطيئه جدا وللحين ماحصلت للي اباه



نبدأ بسم الله

شعري خفيف وفيه فراغات ...
طوله وسط ...
بطئ النمو ..
نوعه جاف ..


من شهر 3 قررت استخدم الثوم لشعري لعلاج كل هالمشاكل , الفراغات والكثافه وواباه يطول ...
ف الاسبوع ( 3 مرات او مرتين ):31:

:32: طريقه استخدامي للثوم ..
اييب راس ثوم واخذ فص واقصه وادهن فيه فروة راسي بشويش واركز عالفراغات ...
من بعد ماخلص ادهن بزيت براشوت عسب يخفف عالفروه ..
اربط شعري بكيس لمدة ( 4 او 3 ساعات ) واخلص شغل البيت :15:

((( الحين بتقولون ريحه واخ ومدري شو )))
لا يحبايبي انا متزوجه واحاتي بعد الريحه ..

ريحه الثوم تروح ..استخدمت ( النسكافيه مع الشامبو ..ومرات استخدم الشامبو ومن بعد الشامبو اخلط النسكافيه مع حمام الزيت )

من يجف الشعر من الماي تختفي ريحة الثوم ..يعني لاتخافين بو الشباب مابيشم ريحة الثوم :15:

(( استمريت ع هالموال 3 شهور ونص تقريبا / من شهر 3 الين شهر 5...))
وطلع بيبي هير وطول الحمدلله وصارت لمعه بشعري ..

لكن من يطول البيبي هير تبان الفراغات ...معناته محتاجه اكثر من 3 شهور :28:

بما ان شعري طول قررت اقصه من تحت لان صار ضعيف :33:

خلصت من الثوم لان جد متعب ...وكنت احاتي الريحه ..
فكرت شو اسوي شو ؟؟؟

(( الجرجير ))

والكل يعرف فوايده سواء للجسم او للشعر ...

جهزت حزمة جرجير وشوي ماي وفالخلاط ...
صفيته وحطيته ف بخاخ ..استخدمته يوميا لمدة اسبوعين / اخليه ف شعري لين تشربه الفروه..
والحمدلله طلع بيبي هير :35:


قريت عن الزنجبيل ..,,,
فيه مادة الكولاجين وااكيد الجسم والبشره والشعر محتاج له :27::27:
قلت بجربه ( طريقه الاستخدام اقطع الزنجبيل وافركه ع فروة الراس بشويش ..)
استخدمته لمده اسبوعين يوميا ...

ومع هـــــــذا كلللله ((( شعري للحين ضعيف , الفراغات ماتعبت )))


حاليا وقفت كلللللل شي ....بس ادهنه بزيت براشوت او زيت املاا

++ خواتي اللي عندها طريقه تعبي الفراغات تكتبها لي ++
ومنـــــــــــــــــــكم نستـــــــــــــــفيد ...,


والسموحه ع الاطاله