ميلزمنيش حداد ... بقلمى/حسين حمدى
 

ميلزمنيش حداد ... بقلمى/حسين حمدى
ميلزمنيش حداد
يكفينى استشهاد
يكفينى منك دم
ولاخفت ولا بهتم
انتى الوحيده أهم
وبناقص الأولاد

عايش مع المدفع
مليون حياه أدفع
وتعيشى بالأمجاد

مين قالك إنى في يوم
فارق معايا حداد
وشريطة مالسودة
وجنازة مسدودة
بالاهل والأولاد

فارق معايا كتير
اهلى اللى حبونى
وزمايلى والطوابير
و****ى وهدومى
ملهمش تانى غسيل
لما الدما بتسيل
بيهم وغطونى

يوم الجنازة اوام
متخلنيش مهموم
بكفاية بزيادة
مشتاق أشوف النوم
من اول التجنيد
واقف كتير خدمات
حتى فى يوم العيد
بتوقفينى ساعات

الليلة معلهشى
اسف ورايا تمام
فى الجنة لو يمشى
العسكرى همام
جاهز وبالمدفع
تربيتى وأجدع
وسلامى ليكى
ختام