يا اللي ناوي في يوم تحب
 

يا اللي ناوي في يوم تحب
حبيبتي لساها صغيرة
شغل نيم ع الحصيرة
واحكي حدوتة اللي راح
لجل ينقذ الاميرة
وقعة سودة لو الرياح
عاندت الرحلة الخطيرة
يبتدي اللوم والنواح
ويا ايامنا المريرة
.
تعالي خدها وبأمانه
بس هاتها من الحضانة
احكي ليها عن فلان
الي داب في هوي فلانة
بس حاذر م الجنان
المغلف بالرصانة
ابتدي بكان ياما كان
وانتهي بموت كهرمانة.
.
يا اللي ناوي في يوم تحب
الدلع مش مستحب
واللي اهلها دلعوها
واللي عايشة بدون تعب
واللي حبة عين ابوها
واللي لابسة سنان دهب
عايزة عشرة يخدموها
الجواز منها مطب