حسبي الله ونعم الوكيل على كل ريال ظالم حرمته وعياله
 

حسبي الله ونعم الوكيل على كل ريال ظالم حرمته وعياله
الي كانت اتابعني من قبل شوفو شو صار وياي

بعد الطلقة الاولى وبعد ماكملت شهر من العدة

رجعني في التوجيه الاسري .. كان متوقع اني استانس واطير من الفرحة وا وافق اني ارجع له بذل وبدون حقوق وكرامه لانه متاكد اني احبه

لكن حطيت عليه شروط الا وهي

بيت بروحي ويأثثه وانا اختار الاثاث

نفقة شهرية 7000 لي ولبنتي ولبيتي ولخدامتي وانا اتكفل بكل شي

عشا في بيتنا للرياييل والحريم من اهلي لانه كلهم عرفو انه طلقني


كانت ردة فعله ف المحكمة انه وافق على شروطي كاملة وعلى اساسها ارجعه له واطلع من بيت اهلي بعد ماينفذها


طلعنا من المحكمة وانتبهت انه كان يرمس بالتيلفون .. !

ما اهتميت وصلنا عند اول دوار انا وابوي من بيتنا لقيته متصل بابوي وطالب انه يكلمني


قلت له امر : قال غيري الشروط ولا برجع باجر اطلقج !!

قلته كيفك هاذي حقوقي وانا حطيتها عشان اضمن حقي وحق بنتي

انا صرت ما اضمنك لانك طلقتني بدون سبب بس لاني خبرت اهلي عن تعاملك وياي وخياناتك وتقصيرك

انته ماكنت تصرف علي ويوم اطلب منك **روف تقولي عندج راتب

قلتله من الاخر انته الخسران مش انا واني اتنازل واضحي عشان ارجعلك انته ماتستاهل مافي مره قدرتني واحترمتني ولاحتى احترمت اهلي

تنازل عن شروطي لايمكن اني اتنازل ..

قالي زين برد اطلق ثاني مره باجر بندت فويهه


للاسف اكتشفت انه عقله صغير ويتسير .. وصغر بعيني واايد واايد

ثاني يوم طلقني الطلقة الثانية بكل برود قلب :30::30: ولا افتكر فبنته

حتى لما طلع قالي الموجه هذا مش جدي لعله خير يابنتي

طلبت حقوقي في التوجية الاسري

نفقة عدة

نفقة بنتي بأثر رجعي لانه ما كان يصرف عليها من طلقني الطلقة الاولى من شهر 1

مسكن

حق متعة

وموخر


حطيت محامي عشان ما اخسر دوامي بمراكضي في المحاكم عشان حقوقي..

ولما شاف اني حطيت محامي عاند وحط محامي


الي حارق قلبي وتاعبني اهله ولا حد منهم يا يصلح بينا او رفع سماعة التيلفون يسال عن بنتي وعن صحتها لانها مريضة

انا رجعت من العمره يوم الاحد وماخليت دعوة بقلبي

ماقول غير حسبي الله ونعم الوكيل على كل ظالم

حسبي الله ونعم الوكيل على كل ظالم