عشرة مساعدين واجهزتهم التكنلوجيه لم يلاحظوا مشكلة ((زنقه زنقه ))
 

عشرة مساعدين واجهزتهم التكنلوجيه لم يلاحظوا مشكلة ((زنقه زنقه ))
تحياتي للزعماء:

(مشهد تكرر عشرات المرات وفي كل الجولات ولا احد انتبه)

تخيلوا معي : الكورة الآن بملعب الهلال عند الحارس وجاهزين لانطلاق هجمة هلاليه ، الحارس يناول

الكوري ومنه للشهراني والشهراني يرجعها للكوري ومن الكوري للمسلم ومن المسلم للفرج والفرج يرجعها

للكوري ويقوم الكوري يرتبك بعد ما يخش عليه المهاجم ويلعبها قصيرة للحارس وينزنق المسكين ويقوم

يراكض ويمزعها برا الملعب ، نعم برا الملعب (بدل ماتكون هجمة لنا صارت هجمة وزنقه علينا )

: وين اللاعب الرابط بين الدفاع والوسط واللي يفك زنقة المدافعين (اعتقد انه دور المحاور )

لكن محاور الهلال (مختفين ) مانشوفهم انا ادورهم اذا جت لنا هجمة ما القاهم وادورهم اذا جا علينا هجمه ما


القاهم )

الهلال (خط الدفاع الهلالي يلعب كور عرضيه مالها سنع واذا انقطت منهم الكورة على طول زنقه انفراد)

سامي والمساعدين العشره اللي معاه لم يلاحظوا الربشه اللي يعشونها المدافعين في كل مباراة

وبعدين الاجهزة اللي مركبينها اللاعبين وش صار عليها ؟ اول الموسم شخصوا فيها اللاعبين وقالو انها بترفع

مستوى مناولات اللاعبين (يمكن ترفع مستوى ربشتهم)

تنويه :

سامي الجابر اللاعب (اسطورة الكرة السعودية بدون منازع)


سامي الجابر الاداري (ممتاز بلس ويحقق بطولات)


سامي الجابر (المدرب) :

الى الآن تائه ومتوهنا معاه ، العناصر الموجودين معاه افضل اللاعبين على مستوى المملكة (لاعبين منتخباة) كل مدرب في العالم يواجه مشاكل متعددة والمدرب القدير هو الذي يستطيح حلها ويرتفع بعد ذلك مستوى الفريق بعد حل المشاكل !


سامي واجه مشكلة الحراسة واخطاء بإصراره على الحارس المرتبك (لم تحل الى الآن).


سامي واجه مشكله سهوله الوصول لمرمى الهلال وخطوره كل هجمة ولم يحلها الى الآن .


سامي واجه اغرب لخبطة شفتها ((لخبطة مناولات الدفاع العرضية ــ زنقه زنقه))

سامي الجابر وطريقة لعبه التي اصبحت ((مكشوفه للكل المدربين والخصوم يتفننون في كسرها ))

سامي الجابر حول طريقة لعب الهلال من اتجاه مباشر الى مرمى الخصم حولها الى كور عرضية لا طائل منها

تحياتي للجميع:br: