هل هذا العرض جيد ومناسب للمعيشه ؟
 

هل هذا العرض جيد ومناسب للمعيشه ؟
السلام عليكم

انا عضو جديد معاكم واتمنى اني استمر معاكم ان شاء الله

عايز استفسر من الأخوة المغتربين في دولة الكويت عن بعض الأمور
انا يا جماعه في عرض جي لي وهو عبارة عن الأتي
الوظيفه ويتر داخل فندق
عدد ساعات العمل لا يقل عن 8 ساعات للشفت
المرتب 120 دينار
يوجد سكن مشترك تابع للشركه
يقال ان السكن مش بعيد عن مكان العمل يعني تقريباً مش هحتاج مواصلات للذهاب للعمل
امكانيه غسيل الملابس في المغسله الخاصه بالعمل
ليا الحق في تناول وجباتي في المطعم اللي هكون شغال فيه (لم يحدد كام وجبه)
تذاكر الطيران عليهم ذهاب واياب لمدة سنتين
العمل 6 ايام في الأسبوع يعني في يوم اجازه ويوجد شهر اجازه بعد 12 شهر

انا عايز اعرف هل العرض ده كويس انا وصل لي العقد ومكتوب فيه الحاجات اللي قلت لكم عليها ومضيت عليه وبعته للشركة وحالياً بخلص في الورق بتاعي

-- بس عايز اعرف المرتب ده هل هقدر اقضى بيه هناك واقدر احوش منه ولا ايه لأننا اكيد بنسافر عشان نعمل حاجه لمستقبلنا

-- عايز اعرف بعض النماذج للأسعار في الكويت زي الحاجات الأساسيه
عايز اعرف خطوط المحمول هناك بكام وممكن اصرف كام في المحمول كل شهر من مكالمات بسيطة وموبايل انترنت عشان التواصل مع الأهل واتس اب وفايبر ألخ

-- هل زي **ر في اكلات شعبيه بسيطة بحيث ان لو مثلاً حبيت اكل وجبه واحده مثلا

-- اسعار الملابس يعني حد يقولي مثال على اي نوع لبس

انا اسف اني طولت عليكم وشاكر ليكم جداً