دلع اللاعبين هو السبب
 

دلع اللاعبين هو السبب
بسم الله الرحمن الرحيم

السلام عليكم ورحمة الله وبركاته

اسعد الله صباحكم بكل خير

اثارني مقارنة بيتوركا وانضباطه وديمتري وعاطفته

الحين تتوقعون سبب سوء نتائج الفريق فقدان عاطفه عند اللاعبين

ودي اسأل العاطفه وش تعني

حسب وجهة نضري العاطفه انك توفر الجو المناسب عشان تشوف شيء يسرك

وانا ودي اعرف لاعبين يستلمون رواتب ضخمه وسيارات فارهه وارصده بالملايين

وش يبغون عاطفه اكثر من كذا ولا اللاعبين عندنا العاطفه عندهم اتركني حر متى ما

جيت النادي جيت واذا طفشت ارسلت اعتذار وسحبت على النادي وانت الله لا يهينك

لاتعاقبني

ودي اسأل اللي يطالبون بالتعامل بعاطفه مع اللاعبين


انتم تشوفون ان اللاعبين حللو رواتبهم ولا ياخذون مبالغ والعمل يفتح الله

اتمنى بدل مانطالب بالاشياء العاطفيه هذي...نطالب اللاعبين بتنفيذ مايطلبه منهم

المدرب من انضباطيه وتنفيذ مايطلبه داخل الملعب بروح قتاليه وليس ببرود

وترى اللاعب اخر الشهر ياخذ راتب الله لا يهينه يحلل كل ريال ياخذه ويلعب بقتاليه داخل الملعب

اول شيء عشان الجماهير...وثاني شيء عشان الراتب اللي ياخذه اخر الشهر..ياخذه

وهو عارف انه يستحقه

وبعدين اللعيبه مهم بزران صغار عشان نعاملهم بعاطفه

ربي اعطاهم عقول كما اعطانا...يعرف اللي له ويعرف اللي عليه

وبلاش نعطي اللعيبه اكبر من حجمهم ولا تحسسهم ان مالهم ذنب ف اللي صاير هذا

كله


وترى اللاعبين لهم نسبة 70% والمدرب 30% يعني اللاعب هو اللي يتحكم في المدرب

لانوى ينجحه راح يبدع ولا طفش منه راح يتمرد داخل الملعب عشان يسقطه

وفي الختام مثل ما قلت قبل حللو رواتبكم ترى العاطفه متوفره عندكم بالحيل وبلاش

دلع زايد


ودمتم بصحه وعافيه