http://scontent-b.cdninstagram.com/h...7136660_a.jpg.

عقب الغياب وعقب ذيك المشاوير
وعقب البطا ؛ عن حبهم ما سلينا

شفت البراد// وشفت فيها غنادير
لاكن طيوف الحب ؛ دايم تجينا

اشتاق له واحن لا ؛ غرّد الطير
واحس لوعات الليالي ؛ تبينا

اساير الغربه وفي حزة عصير
واضيق لامنه شكا // ماطرينا !!

وارسله ابيات الشعر والتصاوير
واعلمه بـ الضيق والشوق فينا

واكتب له انواع الجُمل والتعابير
وتمر ساعات السوالف ؛ علينا

لاكن مشينا واجبرتنا المقادير
لولا القدر وظروفنا ؛ مامشينا

استغفرالله ياعسى ضيقتي خير
وي الله ي المعبود ؛ لا تبتلينا

#بداح_الشويب