ryan - كيك la princesse و اخرى mickey mouse

كيك la princesse و اخرى mickey mouse
السلام عليكم ورحمة الله

جبت ليكم 2 كيكات كتجيو زوينين بزاف وحدة ديال البنيتات ووحدة اخرى ممكن نقولو ديال وليدات ههههه
كنت عملتهم لاولاد اختي مين جاو من الخارج

بالنسبة لكيك الاميرة

ديري اي وحده تتصدق ليك وهذه لي كندير انا
6 بيضات
زلافة سنيدة
زلافة معمراش زيت
زلافة ماء طايب خليه يبرد شويه
باكية كاوبيل
4 خمارات
الطحين حسب الخليط انا كندير 2 زلايف ولكن كاين الطحين لي كيشرب كاين لي لا

تطربي ابيض البيض مع قبصة ملح حتى يرجع كيف الثلج وتحطيه فالثلاجة
https://fbcdn-sphotos-c-a.akamaihd.n...12960314_n.jpg
تاخدي اصفر البيض وتضيفي عليه سنيدة مع التطراب
وتزيدي كاوبيل وخلطي مزيان عاد زيدي الزيت وخلطيه حتى ينسجم
من بعد ضيفي الطحين + الخميرة وخلطي
وخلي الما اخر شي باش ميتكورش ليك الطحين

ضيفي ابيض البيض بشوية وخلطيه بملعقة خشبية باش ميتكسرش ويكون في نفس الاتجاه
https://fbcdn-sphotos-a-a.akamaihd.n...55167663_n.jpg

دهني لاطة مدورة بال**دة ورشي كاوبيل او الطحين
من الاحسن تكون عالية على هذه شوية انا غير قضيت بلي كاين والخليط مدرتوش كله باش متفيضش
وراه كاينا لاطه خاصة بالاميرة كتكون مدورة وعالية وممتقوباش
https://fbcdn-sphotos-c-a.akamaihd.n...83879092_n.jpg

تدخليها للفرن ساخن ويكون مهيل وتخليها تطيب 45 د
هاهي من بعدما طابت
https://fbcdn-sphotos-h-a.akamaihd.n...94109679_n.jpg

من بعد كتقسميها فالوسط وتطليها بكريم شانتيي او اي كريم كيصدقليك
ثم حاولي تغطيها كاملة بكريم شانتيي من برة

خدي دمية وغلفيها بورق الالومنيوم

https://fbcdn-sphotos-g-a.akamaihd.n...39977956_n.jpg

وهاهي الاميرة ديالنا واجدة

بالنسبة للفستان زينيه انتي وابداعك انا فضلت نعمل خطوط عشوائية و اخترت اللون الوردي والابيض

https://fbcdn-sphotos-a-a.akamaihd.n...16715883_n.jpg

بالصحة والراحة

https://fbcdn-sphotos-b-a.akamaihd.n...90772346_n.jpg

ممكن ترسمي الفستان من فوق لتحت باستخدام الكريم غير انا لقيت الالوان متناسقة وقلت نخليه

كيكة ميكي ماوس

بالنسبة للعجين عملت
3 بيضات
1 خمارة
6 معالق : زيت حليب طحين
3 معالق سنيدة
هذه المقادير كنت خديتهم من المنتدى وضوبلتهم لان اللاطه كبيرة بزاف

نفس الطريقة خدمت ابيض البيض وحده
وطربت اصفر البيض مع باقي المقادير

https://fbcdn-sphotos-a-a.akamaihd.n...23983483_n.jpg

من بعد اضفت الابيض وخلطته بالملعقة الخشبية وفنفس الاتجاه

https://fbcdn-sphotos-g-a.akamaihd.n...02204895_n.jpg

متحاوليش تكسريه كله خليه بحال هكا باش تجي خفيفة

https://fbcdn-sphotos-f-a.akamaihd.n...05753877_n.jpg

دهنت اللاطة بال**دة والطحين ودرت فيها الخليط

https://fbcdn-sphotos-d-a.akamaihd.n...05805429_n.jpg

سمحولي شي خطوات ملقيتش التصاور ديالهم حيت هادشي درتو من قبل رمضان ومعرفت فين مشاولي

المهم عملت عجين السكر بالمارشملو وكنت خديتها من المنتدى

واخدت صورة ميكي من النت وخرجتها بالطابعة

حطيت الصورة في الجنب ديال الكيك ورشمتها بالسكين

https://fbcdn-sphotos-d-a.akamaihd.n...68293826_n.jpg

الى جاتك صعبة رشمي الاطار الخارجي فقط وقطعي كل قطعه على حذه ووضعيها ورشميها

ذوبت الشكلاط الاسود ورسمت على الرشمة باستعمال جيب حلواني

https://fbcdn-sphotos-h-a.akamaihd.n...26673430_n.jpg

من بعد اخدت كريم شنتيي وقسمته ولونته بالالوان ديال ميكي
الابيض
الاحمر
الاصفر
الاسود عملتو بالشكلاط

https://fbcdn-sphotos-c-a.akamaihd.n...06826640_n.jpg

وكتبت في الجانب الاخر من الكيك بالشكلاط الاسود

وجاتبي فكرة نعمل sucette للاطفال

اخدت كاطو ديال ok او اي كاطو مدور

وذوبت الشكلاط وعملت دوائر صغيرة بزاف لي غادي تمثل اذني ميكي ههههه
مين يبسو لصقتهم بشكلاط دايب على الكاطو

https://fbcdn-sphotos-f-a.akamaihd.n...51001305_n.jpg

ثم لصقت عويدات فالكاطو بالشكلاط
وغرستهم فالكيك

شاطولي 3 ملقيت فين نحطهم وخفتهم يدوبو رميتهم وسط الكيك هههه

المهم ماكان حد غريب غير مالين الدار

https://fbcdn-sphotos-e-a.akamaihd.n...75088933_n.jpg

ولد اختي شققها و *** منها مع الحطة هههههه

اتمنى ييكونو عجبوكم واكيد كاين حادكات لي ممكن تبدع فيهم وتعمل افضل

القاكن على خير