ryan - طريقة **وره لعمل الكانيلوني

طريقة **وره لعمل الكانيلوني

http://distilleryimage4.s3.amazonaws...0aa81fac_7.jpg

حطيت طريقة الكانيلوني من قبل بس كانت من غير صور

اليوم برد احطلكم الطريقه **وره ومفصله اكثر

اتمنى ماتبخلون علي بالردود (:

بسم الله نبدا

http://distilleryimage6.s3.amazonaws...0aeb11b7_7.jpg

مكونات عجينة الكانيلوني / / خمس بيضات ، كوب ونص حليب ، كوب ونص طحين ، رشة جوز الطيب مبروشه ، رشة ملح .. ونخلطهم بالخلاط

http://distilleryimage0.s3.amazonaws...0aeb11ae_7.jpg

عجينة الكانيلوني / ندهن المقله بشوية زيت وانحط تقريبا مقدار ثلاث قفاش كبار من خليط العجينه ،، حاولوا ترققونها لاتسوونها سميكه وايد شوي وقلبوها الصوب الثاني ليمن يتغير لونها من الجهتين .....

http://distilleryimage10.s3.amazonaw...0a9e48f1_7.jpg

حشوة الكانيلوني / صدر دياي عقب ماتفوحينه سويه مسحب وواحد سبانخ مثلج غسليه ونشفيه عدل ،، بجدر حطي صبع **دة وقفشه كبيره زيت حمسي بصله مفرومه ليمن تشقر حطي ثلاث فصوص ثوم كبار مهروسين ومكعب ماجي وبعدين السبانخ رشي فوقهم شوية بهار حلو وفلفل ابيض وقفشه وسط ريحان مجفف وبعدين الدياي قلبيهم شوي واتكونين حاطه بماعون ثاني كوب كريمه وبيضه مخفوقه اتحطينهن بالجدر فوق السبانخ والدياي بس تشوفين السبانخ تشرب الكريمه سكري النار وخليهم على جنب

http://distilleryimage8.s3.amazonaws...0a9f4dc5_7.jpg

صلصة الطماطم / تحمسين بصله مفرومه بشوية دهن ليمن تشقر تحطين فصين ثوم كبار مهروسين وواحد معجون طماطم ، قفشه وسط ريحان مجفف وقفشه وسط اورغانو ، قفشه كبيره كتشب فلفل ، قفشتين كبار كتشب عادي

http://distilleryimage4.s3.amazonaws...0a1f90ce_7.jpg

البشاميل / اربعه ونص قفشه كبيره **ده ونص قفشه كبيره زيت بالجدر فوقهم اربعه ونص قفشه كبيره طحين بس يتغير لون الطحين شوي نحط ثلاث اكواب حليب ليمن يبدا يجمد البشاميل ترشين شوية ملح وفلفل ابيض وجوزة الطيب

http://distilleryimage1.s3.amazonaws...0a9f09e9_7.jpg

بصينية بايركس تحطين وية بشاميل وبعدين عجينة الكانيلوني محشيه بالسبانخ والدياي وبعدين اتصفيهم بالصينيه واتحطين فوقهم باجي الباشميل بعدين صلصة الطماط بعدين جبن موزاريلا واتدخلينهم الفرن

http://distilleryimage2.s3.amazonaws...0a9f1439_7.jpg

هني وانا احشي عجينة الكانالوني احط الحشو والفهم رولات

http://distilleryimage11.s3.amazonaw...0ae8002b_7.jpg

وبالعافيه

http://distilleryimage1.s3.amazonaws...0aa80125_7.jpg