ليش يا عرايس جي تسوون !!!

[rss]

ليش يا عرايس جي تسوون !!!
مرحباً بنات

بدخل داااايركت عالموضوع

خواتي لييييييش في فئة ما تهتم بعمرها الا يوم بتعرس

لا انخطبت ركضت أدور من دكتور لدكتور من جم لجم

وصالون لصالون لعيادة ليزر

خواتي أن كانتو بس تسوون هالشي عشان عرستوا ترا بتكون فترة وتملون

وأكيد المهر مابيسد يوم كل هالاشيا بتتسوا

والي تقول أهلها مايرظون تطلع

ابسط شي وأفضل شي بالبيت

سكراب شكر وزيت زيتون ولا بيبي جونسون لجسمج

ودوري بالحوي ولا جهاز مشي حاسبي عجسمج من البداية

وان قلتي ماشي إمكانية افتحي يوتيوب وشوفي في تمارين تونس

وابسط شي ومن افضل الاشيا نط الحبل

جداً أزعل يوم أشوف موضوع الحقوني عرسي بعد شهرين وانا قرعة

عرسي قريب وأبي اضعف وغيره

حبايبي أحلى شي تكون الرغبة من دااااخلج

والله مرات ما عندي مثلا وايد فلوس أسير إصرفهم بالصالون

أمتع نفسي

نفسي لها علي حق

بدال لا اروح مطعم ب200

بسويلي مساج ولا تنظيف بشرة وغيره

يوم أخذ بكجات بالصوالين يسألوني لو انا عروس

خواتي منو عطاهم هال فكرة ان نحن مانهتم باعمارنا الا لو عرائس


خلج عروسة نفسج كل يوم

وحبي نفسج اول شي

في موضوع بالقسم وايد حلو كل وحدة تكتب كيف تهتم بعمرها

أدخلوه هال مواضيع ودائما حوطوا نفسكم بناس تشجع