rss
08-04-2014, 10:19 AM
تجربتي مع ليزر فراكسل
السلام عليكم
شحالكم بنات
اليوم بخبركم عن تجربتي مع ليزر فراكسل لعلاج الندبات
انا عندي ندبات صغيره ع خدي وطبعا الندبات هي حفر صغيرة نتيجة آثار لحب الشباب، الحين والحمدلله ويهي مافيه **** ولا شي لاني تعالجت قبل سنة عند دكتور الجلدية في مستشفى الحكومي وعطاني 3 كريمات اخلطهم واحطهم بويهي كل ليلة قبل النوم مع **** روكاتين كل يوم حبة لمدة ستة شهور والنتيجة كانت ممتازة مية بالمية وال**** خازت والحمدلله بشرتي صارت اصفى واحلى لكن اعاني من وجود هالندبات وتعرفون يسبب احراج
فكرت اسوي عمل ليزر فراكسل الي سمعت عنه في النت ومن خلال البحث سمعت عن دكتور جلدية في جميرا بدبي
بخبركم سالفة هالعيادة الخاصة لاني تضايقت من تصرفهم شوي، رحت في عيادة خاصة عند دكتور اظن لبناني مع احتفاظي اسم العيادة والدكتور
ويوم رحت شفت الممرضة قالت الدكتور مو موجود كان في اجازة عطتني رقمه خذته و طلعت وعقب فترة اتصلت به سالته عن العلاج والمبالغ الي تكلف قال انتي تعالي بس وانا بخبرج كل شي
ولما رحت له اساله عن علاج الندبات كاستفسار شرحلي عن كذا نوع مثل ليزر فراكسل و نفخ الخدود ... المهم قلت بفكر و بتصل فيك ولما قمت اطلع زقرتني الممرضة وجان تقول دفعي مبلغ الاستشارة 600 درهم
انا انصدمت لاني اعرف اغلب العيادات عندنا ماياخذون للاستشارة مبلغ الا اذا فتحت عندهم ملف وعند الاستقبال اشوف واحد اجنبي معصب عليهم يقولهم ماتوقعت ولا حسبت حسابي تاخذون هالكثر هالشي طبعا ضايقني لاني شفت موقف استغلالي من هالعيادة
رجعت مكتب الدكتور وقلت له شخصيا انت بالغت و تنصب ع الناس ، لما سالتك عن تكلفة العلاج ماخبرتني عن الاستشارة وفتح الملف وتخلي الناس امام امر الواقع يدفعون مبالغ مو في ا***بان .. لا وقال العلاج جلسة 20 الف درهم انا طلعت و قلت مستحيل اتعالج عندكم :29:
المهم نصيحتي انتبهوا بعض العيادات استغلاليين ..
....
واحين بخبركم عن تجربة الليزر في عيادة كوزموسيرج في الفجيرة
رحت لهم استشارة و فتحت ملف طبعا خذو عني فتح الملف بس 50 درهم والاستشارة مجانية
كان تاريخ 10-7
الدكتورة منال القادري ماشالله عليها ****ة وشغلها ممتاز شافت ويهي وقالت لي نسبة العلاج مب مية بالمية يعني البشرة ماترجع بيبي فيس لكن بتشوفين نتايج ترضيج ولان اصلا ماشي حتى الآن علاج ممتاز مية بالمية لمشكلة الندبات وعلى حد علمي تقنية ليزر فراكسل احدث تقنية لعلاج الندبات ومع ذلك تتحسن ولا تختفي
وصفت لي ادوية عبارة عن **** و مرهم وغسول بديل للصابون وقالت لاتحطين شي غير لي وصفتلي اسبوعين وقالت وقفي العلاج تاريخ 17 والجلسة بتكون تاريخ 19
مرهم حطيته بويهي كل ليلة قبل النوم وال**** 3 حبات في اليوم و الغسول مرة الصبح ومرة بالليل
الادوية طلعو 200وشي
وقفت العلاج تاريخ 17-7 و رحت لهم في الليل تاريخ 19-7
حطولي بنج موضعي عبارة عن كريم ساعة كاملة وعقب ساعة يت الممرضة مسحت الكريم ودخلت غرفة فراكسل وبسم الله بدينا باول جلسة حسيت بحرارة الليزر شوي والممرضة كانت تمرر انبوب هوا بارد تقريبا 20 دقيقة
ويوم خلصت حطتلي كريم ماعرف شو هو يمكن يكون ميبو مال الحروق او ا***اسية ماعرف ..
المهم قمت و عطتني تعليمات اني ماطلع من البيت 3 ايام نهائيا عسب ماتعرض للشمس وصفتلي لوشن اسمه Bioscreen و واقي شمس وقالت عقب ساعتين احط الواقي وعقبه ساعتين احط اللوشن لين 3 ايام يعني كريم على كريم ماستخدم صابون او أي شي ثاني خلال هالايام واتجنب الشمس او أي **در اشعة مضر
طبعا اول 3 ايام ماطلعت من الغرفة ويهي كان وارم و احمرار
ويوم الرابع حسيت الاحمرار خف لكن بعده وارم تميت على هالحالة لين اسبوع وعقبه قام يخف لين صار ويهي طبيعي نوعا ما لكن تم شوية احمرار ع خدودي اما عن الندبات بعدها ماخازت لكن اظن خفت بنسبة ضئيلة جدا
الدكتورة قالت لي المراجعة الياية بتكون عقب 10ايام من الجلسة لكن صادف العيد يوم رحت لهم كان مسكر
المهم عقب كمن يوم رحت لهم شافت ويهي مكان الاحمرار مستوي لونه بني فاتح قالت بعطيج كريم تستخدمينه هو مقشر قوي اسمه كوزميلان2 قيمته 800 درهم اشتريته من عندهم كل ليلة قبل النوم
و الجلسة الياية بتكون في تاريخ 19-8 ان شالله
ورح اوافيكم بالنتايج عقب الجلسة الثانية ان شالله
يتبــــع ..
.
.
السلام عليكم
شحالكم بنات
اليوم بخبركم عن تجربتي مع ليزر فراكسل لعلاج الندبات
انا عندي ندبات صغيره ع خدي وطبعا الندبات هي حفر صغيرة نتيجة آثار لحب الشباب، الحين والحمدلله ويهي مافيه **** ولا شي لاني تعالجت قبل سنة عند دكتور الجلدية في مستشفى الحكومي وعطاني 3 كريمات اخلطهم واحطهم بويهي كل ليلة قبل النوم مع **** روكاتين كل يوم حبة لمدة ستة شهور والنتيجة كانت ممتازة مية بالمية وال**** خازت والحمدلله بشرتي صارت اصفى واحلى لكن اعاني من وجود هالندبات وتعرفون يسبب احراج
فكرت اسوي عمل ليزر فراكسل الي سمعت عنه في النت ومن خلال البحث سمعت عن دكتور جلدية في جميرا بدبي
بخبركم سالفة هالعيادة الخاصة لاني تضايقت من تصرفهم شوي، رحت في عيادة خاصة عند دكتور اظن لبناني مع احتفاظي اسم العيادة والدكتور
ويوم رحت شفت الممرضة قالت الدكتور مو موجود كان في اجازة عطتني رقمه خذته و طلعت وعقب فترة اتصلت به سالته عن العلاج والمبالغ الي تكلف قال انتي تعالي بس وانا بخبرج كل شي
ولما رحت له اساله عن علاج الندبات كاستفسار شرحلي عن كذا نوع مثل ليزر فراكسل و نفخ الخدود ... المهم قلت بفكر و بتصل فيك ولما قمت اطلع زقرتني الممرضة وجان تقول دفعي مبلغ الاستشارة 600 درهم
انا انصدمت لاني اعرف اغلب العيادات عندنا ماياخذون للاستشارة مبلغ الا اذا فتحت عندهم ملف وعند الاستقبال اشوف واحد اجنبي معصب عليهم يقولهم ماتوقعت ولا حسبت حسابي تاخذون هالكثر هالشي طبعا ضايقني لاني شفت موقف استغلالي من هالعيادة
رجعت مكتب الدكتور وقلت له شخصيا انت بالغت و تنصب ع الناس ، لما سالتك عن تكلفة العلاج ماخبرتني عن الاستشارة وفتح الملف وتخلي الناس امام امر الواقع يدفعون مبالغ مو في ا***بان .. لا وقال العلاج جلسة 20 الف درهم انا طلعت و قلت مستحيل اتعالج عندكم :29:
المهم نصيحتي انتبهوا بعض العيادات استغلاليين ..
....
واحين بخبركم عن تجربة الليزر في عيادة كوزموسيرج في الفجيرة
رحت لهم استشارة و فتحت ملف طبعا خذو عني فتح الملف بس 50 درهم والاستشارة مجانية
كان تاريخ 10-7
الدكتورة منال القادري ماشالله عليها ****ة وشغلها ممتاز شافت ويهي وقالت لي نسبة العلاج مب مية بالمية يعني البشرة ماترجع بيبي فيس لكن بتشوفين نتايج ترضيج ولان اصلا ماشي حتى الآن علاج ممتاز مية بالمية لمشكلة الندبات وعلى حد علمي تقنية ليزر فراكسل احدث تقنية لعلاج الندبات ومع ذلك تتحسن ولا تختفي
وصفت لي ادوية عبارة عن **** و مرهم وغسول بديل للصابون وقالت لاتحطين شي غير لي وصفتلي اسبوعين وقالت وقفي العلاج تاريخ 17 والجلسة بتكون تاريخ 19
مرهم حطيته بويهي كل ليلة قبل النوم وال**** 3 حبات في اليوم و الغسول مرة الصبح ومرة بالليل
الادوية طلعو 200وشي
وقفت العلاج تاريخ 17-7 و رحت لهم في الليل تاريخ 19-7
حطولي بنج موضعي عبارة عن كريم ساعة كاملة وعقب ساعة يت الممرضة مسحت الكريم ودخلت غرفة فراكسل وبسم الله بدينا باول جلسة حسيت بحرارة الليزر شوي والممرضة كانت تمرر انبوب هوا بارد تقريبا 20 دقيقة
ويوم خلصت حطتلي كريم ماعرف شو هو يمكن يكون ميبو مال الحروق او ا***اسية ماعرف ..
المهم قمت و عطتني تعليمات اني ماطلع من البيت 3 ايام نهائيا عسب ماتعرض للشمس وصفتلي لوشن اسمه Bioscreen و واقي شمس وقالت عقب ساعتين احط الواقي وعقبه ساعتين احط اللوشن لين 3 ايام يعني كريم على كريم ماستخدم صابون او أي شي ثاني خلال هالايام واتجنب الشمس او أي **در اشعة مضر
طبعا اول 3 ايام ماطلعت من الغرفة ويهي كان وارم و احمرار
ويوم الرابع حسيت الاحمرار خف لكن بعده وارم تميت على هالحالة لين اسبوع وعقبه قام يخف لين صار ويهي طبيعي نوعا ما لكن تم شوية احمرار ع خدودي اما عن الندبات بعدها ماخازت لكن اظن خفت بنسبة ضئيلة جدا
الدكتورة قالت لي المراجعة الياية بتكون عقب 10ايام من الجلسة لكن صادف العيد يوم رحت لهم كان مسكر
المهم عقب كمن يوم رحت لهم شافت ويهي مكان الاحمرار مستوي لونه بني فاتح قالت بعطيج كريم تستخدمينه هو مقشر قوي اسمه كوزميلان2 قيمته 800 درهم اشتريته من عندهم كل ليلة قبل النوم
و الجلسة الياية بتكون في تاريخ 19-8 ان شالله
ورح اوافيكم بالنتايج عقب الجلسة الثانية ان شالله
يتبــــع ..
.
.